দীন-জ্যোতি ফাউণ্ডেশ্যনৰ প্ৰতিষ্ঠা দিৱসৰ (Book launch) সৈতে সংগতি ৰাখি আজি গুৱাহাটী প্ৰেছ ক্লাবত তৃতীয় বাৰ্ষিক অধিৱেশন অনুষ্ঠিত হয় ।বৈশানী ভৰদ্বাজৰ ভক্তি বন্দনা পৰিৱেশনেৰে শুভাৰম্ভনি হোৱা অনুষ্ঠানটিত মুখ্য অতিথি হিচাপে উপস্থিত থাকে দৈনন্দিন বাৰ্তা কাকতৰ সম্পাদক শংকৰ গোহাঞি।
লগতে আমন্ত্ৰিত অতিথি হিচাপে উপস্থিত থাকে বৰঠাকুৰ আইএএছ একাডেমীৰ সঞ্চালক বন্দনা বৰঠাকুৰ, সাহিত্য অকাডেমি বঁটা প্ৰাপক সাহিত্যিক জয়ন্ত মাধৱ বৰা, সাহিত্যিক অসীম শইকীয়াকে ধৰি বহু গণ্যমান্য ব্যক্তি ।উল্লেখ্য যে, উক্ত অনুষ্ঠানৰ সৈতে সংগতি ৰাখি চুমি ৰহমানৰ “সুখৰ সংজ্ঞা” শীৰ্ষক এখনি গ্ৰন্থও উন্মোচন কৰে মুখ্য অতিথি শংকৰ গোহাঞিয়ে ।শিক্ষক দিৱসৰ সৈতে সংগতি ৰাখি ধেমাজিৰ বৰদলনিৰ প্ৰাক্তন ভাৰপ্ৰাপ্ত অধ্যক্ষ ডিম্বেশ্বৰ শইকীয়ালৈ কৃতি শিক্ষকৰ বঁটা প্ৰদান কৰাৰ লগতে দীন-জ্যোতি ফাউণ্ডেশ্যনৰ উদ্যোগত অনুষ্ঠিত চিত্ৰাংকন প্ৰতিযোগিতাৰ বিজয়ীসকলকো বঁটা প্ৰদান কৰা হয়।
