বৰ্তমান ২০২৫ বৰ্ষত দুখন ডাঙৰ ছবিয়ে বক্স অফিচ হিলাই আছে। দুয়োখন ছবিয়ে প্ৰথম দিনাই দৰ্শকৰ পৰা অতি ভাল সঁহাৰি লাভ কৰে।(Box Office Collection) কিন্তু উপাৰ্জনৰ ক্ষেত্ৰত কংগনা ৰানাৱতৰ ‘ইমাৰ্জেন্সি’ ছবিখনে প্ৰথম দিনাৰ পৰাই ৰবীনা টণ্ডনৰ কন্যা ৰাছা থাডানী আৰু অমন দেৱগানৰ ছবি ‘আজাদ’ক পিছ পেলাই ৷
১৭ জানুৱাৰীত বক্স অফিচত মুক্তি পালে বলীউডৰ দুখন ডাঙৰ ছবি। প্ৰথমখন কংগনা ৰানাৱতৰ ‘ইমাৰ্জেন্সি’ আৰু দ্বিতীয়খন অজয় দেৱগানৰ ‘আজাদ’। দুয়োখন ছবিক লৈ দৰ্শকৰ মাজত উৎসাহৰ সৃষ্টি হৈছে। দুয়োখন ছবিৰ উপাৰ্জনৰ কথা ক’বলৈ গ’লে প্ৰথম দিনাৰ পৰাই বক্স অফিচত ‘ইমাৰ্জেন্সি’য়ে ভাল উপাৰ্জন কৰিছে, আনহাতে ‘আজাদ’য়েও এটা সঁহাৰি পাইছে ৰাইজৰ পৰা। দুয়োখন ছবিৰ মাজত দেখা গৈছে প্ৰতিযোগিতাৰ। দ্বিতীয় দিনা কোনে, কিমান উপাৰ্জন কৰিলে চাওঁ আহক-
১৯৭৫-১৯৭৭ চনৰ ভাৰতীয় ৰাজনৈতিক ইতিহাসৰ বিতৰ্কিত সময়ছোৱাৰ আধাৰত নিৰ্মিত কংগনা ৰানাৱতৰ ছবি ‘ইমাৰ্জেন্সি’। ছবিখনত কংগনাই ভাৰতৰ প্ৰাক্তন প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰিছে। এই ছবিখনত কাম কৰাৰ উপৰিও তেওঁ ছবিখন পৰিচালনাও কৰিছে। তেওঁৰ উপৰি অনুপম খেৰ, সতীশ কৌশিক, শ্ৰেয়াস তালপাদে, বিষাক নাইৰ, মহিমা চৌধুৰী, মিলিন্দ সুমনক ছবিখনত দেখা গৈছে। ছবিখনে দৰ্শকৰ পৰা ভাল সঁহাৰি লাভ কৰিছে।
যদি আমি ৬০ কোটি টকাৰ বাজেটত নিৰ্মিত ছবিখনৰ উপাৰ্জনৰ কথা কওঁ, তেন্তে এই ছবিখনৰ প্ৰথম দিনাই ভাৰতত ২.৪ কোটি টকা উপাৰ্জন কৰে, দ্বিতীয় দিন অৰ্থাৎ শনিবাৰে ৩.৪২ কোটি টকা উপাৰ্জন কৰে। প্ৰথম দিনতকৈ ৩৬.৮% বেছি। এইদৰে দুদিনৰ মুঠ সংগ্ৰহ ₹৫.৯২ কোটি হয়। কিন্তু এই সংখ্যা আশা কৰাতকৈ বহু কম, যাৰ বাবে ছবিখনে বক্স অফিচত হিট হোৱাৰ সম্ভাৱনা কম যেন লাগে।
দ্বিতীয় দিনা ফ্লপ হয় ৰাছা থাদানীৰ ‘আজাদ’। এই ছবিখনৰ কাহিনীও ১৯২০ চনৰ। ছবিখনে প্ৰথম দিনাই বক্স অফিচত দৰ্শকৰ পৰা ভাল সঁহাৰি লাভ কৰে। ছবিখনত অজয় দেৱগন, ডায়েনা পেণ্টী, মোহিত মালিক আৰু পীয়ুষ মিশ্ৰকো দেখা গৈছে। ৰোমাঞ্চৰ সমান্তৰালকৈ আৱেগৰ স্পৰ্শও ছবিখনৰ কাহিনীত দেখা যায়। লগতে ৰাছাৰ ‘অউই আম্মা’ গীতটো আদৰি লৈছে দৰ্শকে। যদি আমি ছবিখনৰ উপাৰ্জনৰ কথা কওঁ, তেন্তে অভিষেক কাপুৰৰ পৰিচালনাত নিৰ্মিত এই ছবিখনে প্ৰথম দিনা ১.৫ কোটি টকা উপাৰ্জন কৰিছিল। প্ৰথম দিনাৰ পৰাই উপাৰ্জনৰ ক্ষেত্ৰত অতি লেহেমীয়া গতিৰে আগবাঢ়িছে ছবিখন। দ্বিতীয় দিনাও ছবিখনে ১.৫০ কোটি টকা উপাৰ্জন কৰে। দুদিনত ছবিখনৰ মুঠ সংগ্ৰহ ৩ কোটি টকা হৈছেগৈ। আনহাতে, কংগনাৰ ছবিখনে দ্বিতীয় দিনা ৩ কোটি টকা উপাৰ্জন কৰে। এনে পৰিস্থিতিত এই ছবিখন ‘ইমাৰ্জেন্সি’তকৈ বহু পিছ পৰি আছে।