Breaking

বঙাইগাঁৱত দিনৰ পোহৰতে চুৰিকাণ্ড লুটি নিলে নগদ ধন-সোণ

0 2,007

বঙাইগাঁৱৰ উত্তৰ বঙাইগাঁও আৰক্ষী পহৰা চকীৰ অন্তৰ্গত দোলাইগাঁও উজান পাৰাত দেওবাৰে দিনৰ ভাগত  এক চুৰিকাণ্ড সংঘটিত হয় ৷ দোলাইগাঁও উজান পাৰাৰ ওৱাছি আহমেদৰ গৃহত সংঘটিত হয় এই চুৰিকাণ্ড৷ উল্লেখ্য যে দেওবাৰৰ দুপৰীয়া ১ বজাত ওৱাছি আহমেদে পৰিয়ালসহ তেওঁৰ আত্মীয়ৰ গৃহত বিয়া খাবলৈ যায় আৰু ঘূৰি আহে বিয়লি চাৰি বজাত ৷ লোকজনে ঘৰত প্ৰৱেশ কৰি তেওঁৰ বয়-বস্তু লণ্ড-ভণ্ড হৈ থকা প্ৰত্যক্ষ কৰে৷ ঘৰত লোক নথকাৰ পূৰ্ণ সুযোগ লৈ চোৰে তেওঁৰ ঘৰৰ খিৰিকী ভাঙি প্ৰৱেশ কৰি নগদ পছাত্তৰ হাজাৰ ( ৭৫ হাজাৰ)  টকা আৰু প্ৰায় এক লাখ চৈধ্য হেজাৰ টকা মূল্যৰ সোণৰ গহনা লুট কৰি নিয়ে বুলি উত্তৰ বঙাইগাঁও আৰক্ষী পহৰা চকীত প্ৰদান কৰা এজাহাৰত প্ৰকাশ ৷আশ্বাৰ্যৰ বিষয় যে বঙাইগাঁও আৰক্ষী নিৱেশৰ নিচেই কাষৰ দোলাইগাঁও উজানপাৰাত দিনৰ পোহৰত চোৰে চুৰিকাণ্ড সংঘটিত কৰাৰ ঘটনাই বিশেষ তাৎপৰ্য বহন কৰিছে ৷