ছত্তীশগড়ৰ মুখ্যমন্ত্ৰী ভূপেশ বাঘেলে মণিপুৰত ভূমিস্খলনত ৰাজ্যখনৰ দূৰ্গ জিলাৰ বাসিন্দা লেফটেনেণ্ট কৰ্ণেল কপিল দেৱ পাণ্ডেৰ মৃত্যুত শোক প্ৰকাশ কৰিছে।”ভিলাই চহৰৰ (দূৰ্গ) নেহৰু নগৰ অঞ্চলৰ বাসিন্দা লেফটেনেণ্ট কৰ্ণেল কপিল দেৱ পাণ্ডেজীৰ শ্বহীদৰ দুখজনক খবৰ পাইছো। তেওঁ মণিপুৰৰ নোনি জিলাত ৰে’ল প্ৰকল্পটোক নিৰাপত্তা প্ৰদান কৰাৰ বাবে নিয়োজিত গুৰ্খা ৰাইফলছৰ এটা কোম্পানীৰ নেতৃত্ব দি আছিল। ঈশ্বৰে তেওঁৰ আত্মাক শান্তি দিয়ক আৰু তেওঁৰ পৰিয়ালৰ সদস্যসকলক শক্তি দিয়ক,” বাঘেলে টুইট কৰে।
মণিপুৰৰ নোনি জিলাত বুধবাৰে নিশা ৰে’লনিৰ্মাণ ক্ষেত্ৰত এক বৃহৎ ভূমিস্খলন হৈছিল।টুপুল য়াৰ্ড ৰেলনিৰ্মাণ শিবিৰত ধ্বংসাৱশেষৰ তলৰ পৰা এতিয়ালৈকে ৪২ জন লোকৰ মৃতদেহ পোৱা গৈছে।
তেওঁলোকৰ ভিতৰত ২৭ জন টেৰিটৰিয়েল আৰ্মী ৰ জোৱান আৰু ১৫ জন সাধাৰণ লোক আছে, যাৰ ভিতৰত আছে ৰে’লকৰ্মচাৰী, নিৰ্মাণ কৰ্মী আৰু গাওঁবাসী, গুৱাহাটীৰ এজন প্ৰতিৰক্ষা মুখপাত্ৰই কয়। পিটিআই টিকেপি এনএছকে এনএছকে
