সমগ্ৰ বিশ্বতে শিশু (Children Obesity) আৰু কিশোৰ-কিশোৰীৰ মেদবহুলতাৰ সমস্যা বৃদ্ধি পাইছে। এতিয়া ৰাষ্ট্ৰসংঘইও এই সমস্যাক লৈ উদ্বেগ প্ৰকাশ কৰিছে। ইউনিচেফে এক নতুন প্ৰতিবেদনত এই সন্দৰ্ভত সতৰ্কবাণী জাৰি কৰিছে।
জাংক ফুডৰ ব্যৱহাৰে শিশু আৰু কিশোৰ-কিশোৰীক মেদবহুলতাৰ দিশে ঠেলি দিছে। যাৰ ফলত পাঁচ বছৰৰ পৰা ১৯ বছৰ বয়সৰ শিশু/কিশোৰ-কিশোৰী মেদবহুলতাৰ বলি হৈ পৰিছে। ইউনিচেফে এক নতুন প্ৰতিবেদনত এই সন্দৰ্ভত সতৰ্কবাণী জাৰি কৰিছে। এই ভয়ংকৰ প্ৰতিবেদনত ইউনিচেফে অনুমান কৰিছে যে ২০২৫ চনত এই বয়সৰ প্ৰায় ১০ টা শিশুৰ ভিতৰত এজনে কোনো গুৰুতৰ ৰোগত আক্ৰান্ত হ’ব, যাৰ কাৰণ হৈছে আল্ট্ৰা প্ৰচেছড জাংক ফুডৰ সহজ উপলব্ধতা।
মেদবহুলতাই শিশুৰ বৃদ্ধিত প্ৰভাৱ পেলাইছে-
“যি সময়ত শিশুৰ বৃদ্ধি আৰু মানসিক স্বাস্থ্যত পুষ্টিৰ গুৰুত্বপূৰ্ণ ভূমিকা আছে, সেই সময়ত আল্ট্ৰা প্ৰচেছড জাংক ফুডে ফল-মূল, শাক-পাচলি আৰু প্ৰটিনৰ ঠাই লৈছে।”
মেদবহুলতাৰ প্ৰধান কাৰণ-
ইউনিচেফে স্পষ্টভাৱে উল্লেখ কৰিছে যে ইয়াৰ মূল কাৰণ কেৱল ভুল খাদ্যই নহয়, লাভৰ বাবে গ্ৰহণ কৰা অনৈতিক ব্যৱসায়িক পদ্ধতিও। ইউনিচেফে কয় যে দোষ শিশু বা তেওঁলোকৰ পৰিয়ালৰ নহয়, বৰঞ্চ “শিশু ডাঙৰ হোৱা পৰিৱেশ সুৰক্ষিত কৰাত সমাজে ব্যৰ্থ হোৱা”।
উন্নত দেশত অতিৰিক্ত ওজনৰ শিশুৰ হাৰ-
ঐতিহাসিকভাৱে অধিক উন্নত দেশত অতিৰিক্ত ওজনৰ শিশুৰ হাৰ যথেষ্ট বেছি। কিছুমান দেশৰ বাবে এই পৰিস্থিতি দুগুণ। এইবোৰ দেশত পুষ্টিহীনতা আৰু মেদবহুলতা দুয়োটা ৰোগত ভুগি আছে।
