শনিবাৰে পুৱাৰ ভাগত এক গোপন সুত্ৰৰ পমখেদি বন বিষয়া মৃনাল অধ্যাপকৰ নেতৃত্বত যোৱা এটা বন কৰ্মীৰ দলে ছমৰীয়াৰ পৰা ডি আই পিক আপ ভান ভৰ্তি শাল গছৰ কুণ্ডা জব্দ কৰে ৷
চোৰাং শাল গছৰ কুণ্ডা ভৰ্তি গাড়ীখন মেঘালয়ৰ পৰা ছমৰীয়া হৈ বৰপেটাৰ কাছুমাৰলৈ গৈ থকা অৱস্থাত ছমৰীয়াৰ পৰা নাটকীয় ভাবে জব্দ কৰে ৷ পিছত জব্দকৃত চোৰাং শাল গছৰ কুণ্ডা ভৰ্ত্তি নম্বৰ বিহীন গাড়ীখন নগৰবেৰা নদী সংৰক্ষিত বনাঞ্চলিক কাৰ্যালয়লৈ অনা হয় ৷
ইয়াৰ লগত জৰিত ৩জন চোৰাং ব্যৱসায়ীক বনকৰ্মী দলটোৱে আটক কৰিবলৈ সক্ষম হয় ৷ চোৰাং কাঠৰ এনে ব্যৱসায়ীৰ লগত জড়িত আটকাধীন লোক কেইজন ক্ৰমে মৃণাল ৰাভা(১৮), মুনিময় ৰাভা(১৯) আৰু জ্যোতিস ৰাভা(২৬) । উল্লেখ্য অবৈধ এনে চোৰাং কাঠ ব্যৱসায়ৰ মাষ্টাৰ মাইণ্ড ডাকুৱা ৰাভা পলাতক বুলি জানিব পৰা গৈছে।
