এন.এফ.চাৰ্কোলৰ ৰে’লৱে সুৰক্ষা আয়ুক্ত (চিআৰএছ) শুভময় মিত্ৰই ২৬ ডিচেম্বৰ, ২০২৩ তাৰিখে চাংসাৰি আৰু আগিয়াঠুৰী ষ্টেচনৰ মাজত নতুনকৈ স্থাপন কৰা দ্বৈত ৰেল পথৰ বিধিসন্মত পৰিদৰ্শন সম্পূৰ্ণ কৰে। এই পৰিদৰ্শনৰ মূখ্য উদ্দেশ্য আছিল খণ্ডটোৰ সমগ্ৰ ৰেল আন্তঃগাঁথনিৰ সুৰক্ষা আৰু দক্ষতা নিশ্চিত কৰা। নতুনকৈ স্থাপন কৰা এই দ্বিতীয় ৰেলপথটো মালবস্তু আৰু যাত্ৰীৰ পৰিবহনৰ বাবে ব্যৱহাৰ কৰা হ’ব। চাংসাৰি- আগিয়াঠুৰী খণ্ডৰ কাম ৰঙিয়া হৈ নিউ বঙাইগাঁও – আগিয়াঠুৰী ১৪২.৯৭ কিলোমিটাৰ দ্বৈত ৰেলপথ প্ৰকল্পৰ অংশ ৰূপেনিৰ্মাণাধীন অৱস্থাত আছে। প্ৰকল্পটোত ৭৫ খন বৃহৎসেতু, ৩৮ খন সৰু সেতু আৰু ১৯ টা নতুন ষ্টেচন ভৱনৰ নিৰ্মাণ অন্তৰ্ভুক্ত আছে। চাংসাৰিৰ পৰা আগিয়াঠুৰীলৈসম্প্ৰসাৰণ হৈছে ৭.৪৮ কিলোমিটাৰ।
এই খণ্ডটোত ১১ খন সৰু সেতুৰ নিৰ্মাণ অন্তৰ্ভুক্ত আছে। ৰে’লৱে সুৰক্ষা আয়ুক্ত (চিআৰএছ)এনএফ চাৰ্কেলে খণ্ডটোৰসেতু,ৰে’লৱে ট্ৰেক ফিটিংছ, পি-ৱে সম্পদ, ইলেক্ট্ৰনিক ইণ্টাৰ-লকিং, ৰিলে ৰুম, কেবিন, লেভেল ক্ৰছিং আৰু ষ্টেচনসমূহো পৰিদৰ্শন কৰে। ইয়াতে উল্লেখ কৰিব লাগিব যে দ্বৈত ৰেলপথ স্থাপনৰ সৈতে, ষ্টেচনসমূহত ষ্টপ-অভাৰ ক্ৰছিং অবিহনেইউভয় দিশত ৰে’ল চলাচল কৰিব পৰা যাব যি ৰে’লৰ সময়ানুৱৰ্তীতা বৃদ্ধি কৰিব। যাঁনজট হ্ৰাস হোৱাৰ ফলত গতিবেগেৰ অধিক ৰেল চলাব পৰা যাব। ৰঙিয়া হৈনিউ বঙাইগাঁও -আগিয়াঠুৰীৰ দ্বৈত ৰেলপথ প্ৰকল্পৰ মুঠ ১৪২.৯৭কিলোমিটাৰৰ ভিতৰত, ইতিমধ্যে ৭০.৯১কিলোমিটাৰ কমিছনিং কৰা হৈছে। ইয়াৰ পূৰ্বে নিউ বঙাইগাঁওৰ পৰা বিজনীলৈ ১৭.৫৩ কিলোমিটাৰ, পাঠশালাৰ পৰা নলবাৰীলৈ ২৬.৯১ কিলোমিটাৰ আৰু বিজনীৰ পৰা সৰভোগলৈ ১৮.৯৯ কিলোমিটাৰখণ্ডটো ক্ৰমান্বয়ে ৩০ আগষ্ট, ২০২২, ২৪ মে আৰু ১৩ জুন ২০২৩ তাৰিখে কমিছনিং কৰা হৈছিল। লগতে চাংসাৰিৰ পৰা আগিয়াঠুৰীপৰ্যন্ত ৭.৪৮ কিলোমিটাৰ আজি কমিছনিং কৰা হয়। এই সমগ্ৰ ৰেল খণ্ডটো সম্পূৰ্ণ হোৱাৰ পিছত, উত্তৰ-পূৰ্ব্বাঞ্চলৰৰেল যোগাযোগতাৎপৰ্যপূৰ্ণভাৱে বৃদ্ধি হৈ উঠিব। লগতে, যাত্ৰীসকলৰ সুবিধাৰ বাবে চাংসাৰি আৰু আগিয়াঠুৰীউভয় ষ্টেচনত ৩মিটাৰ বহল নতুন ফুট অভাৰ ব্ৰীজ আৰু নতুন যাত্ৰী প্লেটফৰ্ম শ্বেড কমিছনিং কৰা হৈছে।
