অসম চৰকাৰৰ ক্ৰীড়া বিভাগৰ সহযোগত সদৌ অসম দবা সন্থাই আয়োজন কৰা প্ৰথম গুৱাহাটী স্মার্ট চিটি আন্তঃৰাষ্ট্ৰীয় অপেন ফিডে বেটিং দবা টুর্ণামেন্টৰ চূড়ান্ত বিজয়ীৰ সন্মান লাভ কৰিছে পশ্চিম বংগৰ শ্ৰীজিত পালে। মুঠ ৯ পইন্ট লাভ কৰি শ্রীজিত পালে মুঠ ৫ লাখ টকাৰ প্রাইজমানি সম্বলিত প্রতিযোগিতা খনৰ চুড়ান্ত বিজয়ীৰ সন্মান লাভ কৰে। আনহাতে মহাৰাষ্ট্ৰৰ শ্ৰেয়ান মজুমদাৰ আৰু পশ্চিম বংগৰ অর্পন দাসে ক্রমে দ্বিতীয় আৰু তৃতীয় স্থান লাভ কৰে। মুঠ তিনিশৰো অধিক দেশী-বিদেশী খেলুৱৈয়ে অংশগ্ৰহন কৰা টুর্ণামেন্টখনত অসম শ্রেষ্ঠ খেলুৱৈ হিচাপে অভিৰুপ শইকীয়াই প্রথম, অবিনাশ পি গগৈয়ে দ্বিতীয় আৰু থং টেৰণে তৃতীয় স্থান লাভ কৰে। অনুর্ধ ৮ বছৰ শাখাত চৈয়দ মেন্দী, অনুর্ধ ১০ বছৰ শাখাত নৰেন্দ্ৰ আগৰৱাল, অনুর্ধ ১২ বছৰ শাখাত দেৱপ্রিয় দত্ত, অনুর্ধ ১৪ বছৰ শাখাত ৰুদ্রাশিষ সোম, অনুর্ধ ১৬ বছৰ শাখাত কর্ণভ পি ডেকাই শীর্ষ স্থান লাভ কৰে। শ্রেষ্ঠ ভেটাৰাণ খেলুৱৈ হিচাপে পৰিগণিত হয় বাজিথ ভি। মহিলাৰ শাখাত শ্রেষ্ঠ হয় ডাকচা ৰুদ্র।
সৰুসজাই ইন্দিৰা গান্ধী ইন্দৰ ষ্টেডিয়ামত যোৱা ২ জুলাইৰপৰা অনুষ্ঠিত হৈ থকা টুর্ণামেন্টখনৰ আজি সামৰণি তথা বঁটা বিতৰণী অনুষ্ঠান সম্পন্ন হয়। এই অনুষ্ঠানত মুখ্য অতিথি হিচাপে অংশগ্ৰহন কৰে এ আই চি এফৰ সভাপতি নিতিন নাৰঙে।নিজৰ ভাষণত এ আই চি এফৰ সভাপতি গৰাকীয়ে দেশত দবাৰ উত্তৰণ আৰু বিকাশৰ বাবে ফেডাবেচনে লোৱা পৰিকল্পনা আৰু খেলুৱৈ তথা প্রশিক্ষক সকলৰ বাবে লোৱা ব্যৱস্থাৱলীৰ বিষয়ে আলোকপাত কৰে। বঁটা-বিতৰণী অনুষ্ঠানত গুৱাহাটী লোকসভা সমষ্টিৰ নৱ নিৰ্বাচিত সাংসদ বিজুলী কলিতা মেধিয়ে বিশিষ্ট অতিথি হিচাপে অংশগ্রহন কবে। নিজৰ ভাষণত সাংসদ গবাকীয়ে প্রতিযোগিতাত অংশগ্রহন কৰা সকলো খেলুৱৈ লগতে অভিভাৱক সকলকো এনে এখন গুরুত্বপূর্ণ টুর্ণামেন্টত অংশগ্ৰহন কৰাৰ বাবে ধন্যবাদ জ্ঞাপন কৰি ভৱিষ্যতৰ দিনত চৰকাৰৰ ফালৰপৰা অধিক সহায়-সহযোগিতা কৰাৰ আশ্বাস দিয়ে। অনুষ্ঠানত এ আই চি এফৰ ট্রেজাৰাৰ ধৰ্মেন্দ্ৰ কুমাৰ, জি এম ডি এব উপাধ্যক্ষ মুকুতা ডেকা, সদৌ অসম দবা সন্থাৰ সভাপতি কন্দর্প কলিতাকে ধৰি বহু গণ্য-মান্য ব্যক্তি উপস্থিত আছিল। অনুষ্ঠানৰ আঁত ধৰে সন্থাৰ সম্পা৮ক ৰাজীৱ ধৰে।
