হোজাই, ১৫ ডিচেম্বৰ: প্ৰাক্তন আৰক্ষী উপ মহাপৰিদৰ্শক তথা বৰ্তমানৰ কংগ্ৰেছ নেতা কৃষ্ণ কান্ত শৰ্মাই স্বচ্ছতাৰ ক্ষেত্ৰত গ্ৰহণ কৰিছে বিশেষ পদক্ষেপ। কে কে শৰ্মাই হোজাই বজাৰৰ বিভিন্ন ঠাই সমূহত ঘূৰি ডাষ্টবিন বিতৰণ কৰা পৰিলক্ষিত হয়। উপস্থিত স্থানীয় সংবাদিক সকলৰ লগত হোৱা সাক্ষাৎকাৰত হোজাই পুৰণা বজাৰ আৰু নতুন বজাৰৰ বিভিন্ন স্থানত প্ৰায় এশ টা ডাষ্টবিন বিতৰণ কৰা হ’ব বুলি মন্তব্য আগবঢ়ায়। নিৰ্বাচনৰ দিন চমূ চাপি অহাৰ লগে লগে ৰাজনৈতিক দলসমূহৰ সম্ভাব্য টিকট প্ৰত্যাশী সকলে জনসাধাৰণৰ কাষ চাপি বিভিন্ন জনকল্যান মুলক কাম কৰা পৰিলক্ষিত হৈছে। কংগ্ৰেছ দলৰ হোজাইৰ পৰা টিকট প্ৰত্যাশী প্ৰাক্তন আৰক্ষী উপ মহাপৰিদৰ্শক তথা বৰ্তমানৰ কংগ্ৰেছ নেতা কে কে শৰ্মা বিগত কেই মাহমানৰ পৰা হোজাইৰ বিভিন্ন অঞ্চল সমূহত সমাজ সেৱা কৰাত ব্যস্ত হৈ পৰিছে। ভাগ্যৰ যোৱাৰ কাৰ পক্ষত বলিব তথা ৰাজতিলক ভাগ্যত আছে নে নাই সেয়া সময়তেহে গম পোৱা যাব।
