বৰ্তমান পুনৰ কভিডত আক্ৰান্তৰ সংখ্যা দ্ৰুতগতিত বৃদ্ধি পোৱা দেখা গৈছে। ভাৰততো কৰ’নাত আক্ৰান্তৰ ব্যাপক উত্থান ঘটিছে। ভাৰতত কিয় কৰ’না ভাইৰাছ বিয়পিবলৈ আৰম্ভ কৰিছে?(Covid-19)
সমগ্ৰ বিশ্বতে পুনৰ বাঢ়িছে কৰ’নাৰ ভয়ৰ পৰিৱেশ। থাইলেণ্ড, ছিংগাপুৰৰ দৰে দক্ষিণ-পূব এছিয়াৰ দেশসমূহত ইয়াৰ ৰোগী দ্ৰুতগতিত বৃদ্ধি পাইছে। ভাৰততো ক’ৰ’না আক্ৰান্তৰ সংখ্যা বৃদ্ধি হোৱা দেখা গৈছে। ‘টি অ’ আই’ৰ এক প্ৰতিবেদন অনুসৰি ভাৰতৰ স্বাস্থ্য বিষয়াসকলে বহু ৰাজ্যত ক’ৰ’না আক্ৰান্তৰ সংখ্যা বৃদ্ধিৰ ওপৰত তীক্ষ্ণ দৃষ্টি ৰাখিছে। পূৰ্বৰ ঢৌতকৈ সামগ্ৰিকভাৱে কম হ’লেও চেন্নাই, মুম্বাই, আহমেদাবাদৰ দৰে চহৰত আক্ৰান্তৰ সংখ্যা বৃদ্ধি পোৱা দেখা গৈছে।(Corona Outbreak)
‘TOI’ৰ প্ৰতিবেদন অনুসৰি এতিয়ালৈকে মুম্বাইতে ৯৫জন Coronaত আক্ৰান্ত হৈছে। জানুৱাৰী মাহৰ পৰা মহাৰাষ্ট্ৰত মাত্ৰ ১০৬ গৰাকী ক’ৰনাত আক্ৰান্ত হৈছে। সম্প্ৰতি কমেও ১৬ জন কৰ’না আক্ৰান্ত লোক চিকিৎসালয়ত ভৰ্তি হৈ আছে। শ্বাস-প্ৰশ্বাসজনিত সমস্যা আৰু ইনফ্লুৱেঞ্জাত আক্ৰান্ত ৰোগীৰ বাবেও কৰ্তৃপক্ষই ক’ৰ’না পৰীক্ষা আৰম্ভ কৰিছে।
‘টি অ’ আই’ৰ এক প্ৰতিবেদন অনুসৰি শেহতীয়াকৈ ক’ৰোনা আক্ৰান্তৰ সংখ্যা বৃদ্ধি পোৱাৰ মূল কাৰণ হ’ল সংক্ৰমণ বৃদ্ধি আৰু মানুহৰ ৰোগ প্ৰতিৰোধ ক্ষমতা ক্ৰমান্বয়ে হ্ৰাস পোৱা। একে সময়তে আধাতকৈ অধিক লোক ইতিমধ্যে সংক্ৰমণ আৰু টিকাকৰণৰ জৰিয়তে কোৰোনা ভাইৰাছৰ সংস্পৰ্শলৈ আহিছে। সেই ৰোগ প্ৰতিৰোধ ক্ষমতাৰ পৰা সুৰক্ষা সময়ৰ লগে লগে কমি আহিছে।