শেহতীয়াকৈ টিম ইণ্ডিয়াৰ প্ৰাক্তন খেলুৱৈ যুৱৰাজ সিঙে ছ’চিয়েল মিডিয়াত এটা ধেমেলীয়া ভিডিঅ’ শ্বেয়াৰ কৰিছে। এই সন্দৰ্ভত অনুৰাগীসকলে বিভিন্ন প্ৰতিক্ৰিয়া প্ৰকাশ কৰিছে। ভাৰতীয় ক্ৰিকেট দলৰ প্ৰাক্তন খেলুৱৈ যুৱৰাজ সিং ছচিয়েল মিডিয়াত অতি সক্ৰিয় হৈ আছে। প্ৰায়ে ছ’চিয়েল মিডিয়াত ভিডিঅ’ শ্বেয়াৰ কৰে। শেহতীয়াকৈ যুৱৰাজে ছ’চিয়েল মিডিয়াত এটা ভিডিঅ’ শ্বেয়াৰ কৰিছে। ইয়াত তেওঁ গৰিলাৰ শৈলী নকল কৰা দেখা গৈছে। যুৱৰাজৰ এই ভিডিঅ’টো ছচিয়েল মিডিয়াত বহুতে লাইক কৰিছে। ইয়াৰ পূৰ্বে বহুবাৰ হাস্যকৰ ভিডিঅ’ আৰু ফটো শ্বেয়াৰ কৰিছে যুৱৰাজ সিঙে। আচলতে যুৱৰাজে ভিডিঅ’টো নিজৰ অফিচিয়েল টুইটাৰ হেণ্ডেলত শ্বেয়াৰ কৰিছে। এই এটা ভিডিঅ’ত দুটা বেলেগ বেলেগ ফ্ৰেম আছে। এটা ফ্ৰেমত যুৱৰাজ আৰু আনটো ফ্ৰেমত গৰিলা দেখা যায়। যুৱৰাজ সিঙে গৰিলাক নকল কৰা দেখা গৈছে। তেওঁৰ এই ধেমেলীয়া ভিডিঅ’টো ২ লাখতকৈ অধিক লোকে চাইছিল আৰু ১২ হাজাৰৰো অধিক লোকে লাইক কৰিছে। যুৱৰাজ সিঙৰ ভিডিঅ’ সন্দৰ্ভত অনুৰাগীসকলেও ধেমেলীয়া প্ৰতিক্ৰিয়া প্ৰকাশ কৰিছে।
When you’re warming up to go bat next 🏏🤪 c’mon boys! Let’s do this 🇮🇳 pic.twitter.com/364XFmsoKr
— Yuvraj Singh (@YUVSTRONG12) February 19, 2023
তাৎপৰ্যপূৰ্ণভাৱে যুৱৰাজ সিঙে ২০১২ চনৰ ডিচেম্বৰ মাহত ইংলেণ্ডৰ বিৰুদ্ধে টিম ইণ্ডিয়াৰ হৈ শেষ টেষ্ট মেচ খেলিছিল। ইয়াৰ পিছত ২০১৭ চনৰ জুন মাহত ৱেষ্ট ইণ্ডিজৰ বিৰুদ্ধে শেষৰখন এদিনীয়া খেল অনুষ্ঠিত হৈছিল। ২০১৯ চনৰ ফেব্ৰুৱাৰী মাহত ইংলেণ্ডৰ বিৰুদ্ধে শেষবাৰৰ বাবে টি-২০ আন্তঃৰাষ্ট্ৰীয় মেচ খেলিছিল। যুৱৰাজৰ আন্তঃৰাষ্ট্ৰীয় কেৰিয়াৰ দৰ্শনীয়। ৪০ খন টেষ্টত ১৯০০ ৰান সংগ্ৰহ কৰাৰ লগতে ৯ টা উইকেট দখল কৰে। যুৱৰাজ সিঙে ৩০৪খন এদিনীয়াত ৮৭০১ ৰান সংগ্ৰহ কৰি ১১১টা উইকেট দখল কৰে। ভাৰতৰ হৈ ৫৮ খন টি-২০ মেচত ১১৭৭ ৰান সংগ্ৰহ কৰি ২৮ টা উইকেট দখল কৰে। ইণ্ডিয়ান প্ৰিমিয়াৰ লীগতো যুৱৰাজৰ প্ৰদৰ্শন আকৰ্ষণীয়। ইয়াত তেওঁ ২৭৫০ ৰান সংগ্ৰহ কৰিছে।
