এটা যুগৰ আজি অৱসান ঘটিল। ভাৰতীয় দলৰ অধিনায়কত্ব এৰাৰ পিছত এইবাৰ আই পি এলৰ পৰা অধিনায়কত্ব ত্যাগ কৰিলে এম এছ ধোনীয়ে। ২৬ মাৰ্চৰ পৰা অনুষ্ঠিত হ’ব লগীয়া IPLত চেন্নাই ছুপাৰ কিংছক এতিয়াৰে পৰা নেতৃত্ব দিব দলটোৰ মুখ্য অল ৰাউণ্ডাৰ ৰবীন্দ্ৰ জাদেজাই।
চি এছ কেই এক বিবৃতিযোগে জনাই যে, “২০১২ চনৰ পৰা চিএছকেৰ অবিচ্ছেদ্য অংশ হৈ থকা জাদেজা কেৱল চিএছকেৰ নেতৃত্ব দিয়া তৃতীয়জন খেলুৱৈ হ’ব”। উলেখ্যে যে, ধোনীয়ে ২০০৮ চনৰ পৰা CSK দলক নেতৃত্ব দিছিল।
চাৰিটা আই পি এল জয় আৰু প্লে অফৰ যোগ্যতা অৰ্জনৰ এক অবিশ্বাস্য অভিলেখৰ সৈতে, ধোনী টি-20 লীগ ইতিহাসৰ আটাইতকৈ সফল অধিনায়কৰ ভিতৰত এজন। ধোনী IPL কেৰিয়াৰৰ সমগ্ৰ কাৰ্যকালৰ বাবে চিএছকেৰ অধিনায়ক আছিল।