অপাৰেচন সিন্দুৰৰ পিছত দেশৰ ১৫খন চহৰত আক্ৰমণৰ চেষ্টা! ভাৰতে ধ্বংস কৰিলে পাকিস্তানৰ এয়াৰ ডিফেন্স চিষ্টেম।(Destroys Air Defence System)অপাৰেচন সিন্দুৰৰ পিছত পাকিস্তানে ভাৰতীয় সেনাক আক্ৰমণ কৰাৰ পৰিকল্পনা কৰিছিল। কিন্তু ভাৰতীয় সেনাৰ কার্যত বিফল হ’ল পাকিস্তান। ভাৰতে পাকিস্তানৰ কেইবাঠাইতো ‘এয়াৰ ডিফেন্স চিষ্টেম’ ধ্বংস কৰিছে। বৃহস্পতিবাৰে প্ৰকাশ কৰা এক বিবৃতিত এই কথা ঘোষণা কৰে প্ৰতিৰক্ষা মন্ত্ৰালয়ে।
পাকিস্তানে বুধবাৰে নিশা আৰু বৃহস্পতিবাৰে পুৱা ভাৰতৰ কেইবাটাও স্থানত থকা সেনা চকীত ড্ৰোন আৰু মিছাইল আক্ৰমণৰ পৰিকল্পনা কৰিছিল। ইয়াৰ ভিতৰত শ্ৰীনগৰ, পাঠানকোট, অমৃতসৰ, লুধিয়ানা আৰু চণ্ডীগড় অন্যতম। কিন্তু পাকিস্তান সেনাৰ পৰিকল্পনা ব্যৰ্থ হয়। বৃহস্পতিবাৰে পুৱা ভাৰতীয় সেনাইও প্ৰতিক্ৰিয়া প্ৰকাশ কৰে। পাকিস্তানৰ লাহোৰকে ধৰি কেইবাঠাইতো এয়াৰ ডিফেন্স ৰাডাৰ চিষ্টেম ধ্বংস হয়। ইয়াৰ বাবে ভাৰতে ‘ইণ্টিগ্ৰেটেড কাউণ্টাৰ ইউ এ এছ গ্ৰীড’ ব্যৱস্থা ব্যৱহাৰ কৰিছে।
ভাৰতৰ আক্ৰমণত বিধ্বস্ত পাকিস্তানৰ এয়াৰ ডিফেন্স চিষ্টেম। পাকিস্তানৰ এয়াৰ ডিফেন্স ধ্বংস কৰিলে ভাৰতে। এয়াৰ ডিফেন্স মিছাইল লন্সাৰ ধ্বংস। মিছাইলেৰে ভাৰতে উৰুৱাই দিলে পাক এয়াৰ ডিফেন্স চিষ্টেম।
