নিৰ্বাচনৰ(Dhing News)দিন চমু চাপি অহাৰ লগে লগে এইবাৰ ধিঙত বিধায়িকা হোৱাৰ সপোন মেলিছে এগৰাকী চিকিৎসকে। ৰাইজক সেৱা কৰাৰ মানসেৰে ডাঃ আফৰুজা আৰ্চাৰীয়ে এইবাৰ ৰাইজৰ আৰ্শীবাদ বিচাৰি খোজ দিছে ধিঙৰ ঘৰে ঘৰে।
ধিং সমষ্টিৰ কংগ্ৰেছী পৰিয়ালৰ পৰা ওলাই অহা নেত্ৰী হিচাপে পৰিচিত ডাঃ আফৰুজা আনচাৰী ৰাজনৈতকভাৱে যথেষ্ট প্ৰভাৱশালী বুলি বিভিন্ন মহলত ব্যাপক চৰ্চা লাভ কৰিছে। ইতিমধ্যেই ৰাজীৱ ভৱনত কংগ্ৰেছ দলৰ হৈ ধিং সমষ্টিৰ পৰা প্ৰাৰ্থীত্ব আবেদন কৰি নিৰ্বাচনী বিভিন্ন সভা সমিতিত অংশগ্ৰহণ কৰা পৰিলক্ষিত হৈছে।
আগন্তুক সময়ছোৱাত কংগ্ৰেছ দলে প্ৰাৰ্থীত্ব প্ৰদানৰ সুযোগ দিলে বিভিন্ন সমস্যা জৰ্জৰিত ধিং সমষ্টিৰ সৰ্বাংগীন উন্নতিৰ ক্ষেত্ৰত বদ্ধপৰিকৰ বুলি প্ৰতিক্ৰিয়া ব্যাক্ত কৰা পৰিলক্ষিত হৈছে।
