ধিঙত পুনৰ বিল্যবিবাহৰ ঘটনা! গাঁৱৰক্ষী বাহিনীৰ তৎপৰতাত ৰভাস্থলীতে দৰা কইনাৰ বিবাহ বিচ্ছেদ

কেইদিনমান পূৰ্বে সংঘটিত হোৱা বাল্য বিবাহৰ ঘটনা মাৰ নেযাওতেই পুনৰ ধিঙত বাল্যবিবাহ।চৰকাৰ বা প্ৰশাসনে বাল্য বিবাহৰ ওপৰত যিমানেই চোকা দৃষ্টি নেৰাখক কিয় একাংশ দুস্কৃতিকাৰীৰ কাৰণে এনে কাম যেন একেবাৰে সুলভ।ধিঙৰ পটিয়াচাপৰিত এগৰাকী নাবালিকাক বিবাহৰ বাবে সকলো প্ৰস্তুতি লোৱা সময়তে এক গোপন সূত্ৰৰ পমখেদি নগাওঁ চাইল্ড লাইন আৰু গাঁৱৰক্ষী বাহিনীয়ে ঘটনাৰ উমান পায় ।তাৰ পিছতে তদন্ত ক্ৰমে গাওঁৰক্ষী বাহিনী বিবাহ স্থলীত উপস্থিত হৈ বিবাহ খন বন্ধ কৰি দৰাক ঘৰমুৱা কৰে ।এনে ঘটনা সংঘটিত হোৱাত নাবালিকা কন্যাক পৰিয়ালৰ লোকে মাহিয়েকৰ ঘৰলৈ প্ৰেৰণ কৰে।অধিক সোধপোচৰ বাবে নাবালিকা কন্যাৰ কাষ চাপে নগাওঁ চাইল্ড লাইন আৰু ডুমডুমীয়া আৰক্ষী প্ৰশাসন।নাবালিকা কন্যাৰ অভিভাৱকক এনে কাম নকৰিবলৈ আহবান জনায়।

অভিভাৱক নিৰক্ষ হোৱা কাৰণে এনে কায্য সংঘটিত হোৱাৰ সন্দেহ প্ৰকাশ কৰে চাইল্ড লাইনৰ বিষয়াই।আনহাতে চাইল্ড লাইনৰ বিষয়াই এই কাণ্ডত জড়িত থকা দোষীক আইনী ব্যৱস্থা গ্ৰহণ কৰা হব বুলি জানিব দিয়ে ।