নদুৱাৰ ৰাজহ চক্ৰৰ অন্তৰ্গত বৰভগীয়া,ছিলাবন্ধা আৰু মুঢ়াদ’ল মৌজাৰ ৭৮৪গৰাকী খিলঞ্জীয়া লোকক আজি ভূমি পটা বিতৰণ কৰা হয়।এই উদ্দেশ্য জামুগুৰিহাটৰ পৰিদৰ্শন বাংলাৰ চৌহদত অনুষ্ঠিত হোৱা এক অনুষ্ঠানত এই সকল খিলঞ্জীয়াক নদুৱাৰ ৰাজহ চক্ৰ বিষয়া আকাশদ্বীপ কাকতিয়ে ভূমি পটা সমুহ বিতৰণ কৰে।দিনৰ ১২বজাত অনুষ্ঠিত এই ভূমি পটা বিতৰণি অনুষ্ঠানত নদুৱাৰ ৰাজহ চক্ৰৰ অতিৰিক্ত ৰাজহ চক্ৰ বিষয়া মন্টুছ চক্ৰৱৰ্তী, লাট মণ্ডল প্ৰাণকৃষ্ণ গোস্বামী, গৌতম বৰুৱা,মানস বৰা, সোণেশ্বৰ শইকীয়া, দীপাংকৰ হাজৰিকা,পিনাকী ডাউকাকে নদুৱাৰ ৰাজহ চক্ৰৰ বিষয়া কৰ্মচাৰী সকলো উপস্থিত আছিল।
