নলবাৰী সত্র মজলীয়া বিদ্যালয়ত ছেনিটাজাৰ বিতৰণ আৰু গছ পুলি ৰোপন

 ৰাষ্ট্ৰীয় জনকল্যাণকাৰী পৰিষদ(National Welfare Council) নামৰ ৰাষ্ট্ৰীয় সামাজিক সংগঠনটোৱে জিলা খনৰ বিভিন্ন ঠাইত  বিভিন্ন সময়ত বিভিন্ন অনুষ্ঠান কৰি আহিছে । কালি স্বেচ্ছাসেৱী সংগঠনটোৱে নলবাৰী চহৰস্থিত নলবাৰী   সত্র মজলীয়া  বিদ্যালয়ৰ ছাত্র ছাত্রী আৰু শিক্ষক শিক্ষয়িত্রী  সকলৰ মাজত সজাগ আৰু সচেতনতা বৃদ্ধি আৰু মহামাৰী কভিডৰ পৰা ৰক্ষা কৰিবলৈ  মাস্ক আৰু ছেনিটাইজাৰ বিতৰণ কৰাৰ লগতে বিদ্যালয় খনৰ প্ৰাংগনত গছপুলি ৰোপন কৰে ।স্বেচ্ছাসেৱী সংগঠনটোৰ নলবাৰী জিলা সমিতিৰ (মহিলা প্ৰভাগ ) সভানেত্রী জিমনি তামুলী আৰু সাধাৰণ সম্পাদিকা   বিজুলী কলিতাৰ নেতৃত্বত অনুস্থিত অনুস্থানটোত সংগঠনটোৰ সদস্য দীপামনি বৈশ্য  , বিদ্যালয় খনৰ প্ৰধান শিক্ষয়িত্রী  মিনা বেগম সহ শিক্ষক শিক্ষয়িত্রী সকল উপস্থিত থাকি সহযোগিতা কৰে ।  স্বেচ্ছাসেৱী অনুষ্ঠানটোৰ এনে পদক্ষেপক ধন্যবাদ জনোৱাৰ লগতে সংগঠনটোলৈ শুভেচ্ছা জনায় আৰু ভৱিষ্যতে বিভিন্ন সামাজিক কাম কাজ কৰিবলৈ আহ্বান জনায়  বিদ্যালয় খনৰ প্ৰধান শিক্ষয়িত্রী মিনা বেগম  সহ শিক্ষক শিক্ষয়িত্রী সকলে  ।