আপুনিও ৰাতিপুৱা সাৰ পোৱাৰ লগে লগে খালী পেটত চাহ খাই ভাল পায় নেকি? যদি ভাল পাই তেন্তে আপুনিও সচেতন হোৱা উচিত। খালী পেটতে চাহ খোৱাৰ সমস্য়া সমূহৰ বিষয়ে জানক-
গেছৰ সমস্যা বাঢ়িব পাৰে-
স্বাস্থ্য বিশেষজ্ঞৰ মতে, ৰাতিপুৱা খালী পেটত চাহ খালে গেছ-এচিডিটিৰ সমস্যা বৃদ্ধি পায়। যদি আপুনি নিয়মিতভাৱে এই কাম কৰি আছে তেন্তে আপোনাৰ পেটত এচিডৰ পৰিমাণ বৃদ্ধি হ’বলৈ আৰম্ভ কৰিব আৰু আপোনাৰ স্বাস্থ্য বেয়া হ’বলৈ আৰম্ভ হ’ব। ৰাতিপুৱা খালী পেটত চাহ খালে দাঁতৰো ক্ষতি হয়। ইয়াৰ বাবে দাঁতৰ বাহিৰৰ তৰপটোৰ ক্ষতি হ’ব পাৰে আৰু দাঁতত ক্ষয়ৰ আশংকা বৃদ্ধি পায়।
ৰাতিপুৱা খালী পেটত চাহ খালে শৰীৰত পানীৰ অভাৱ হ’ব পাৰে। ইয়াৰ বাবে কোষ্ঠকাঠিন্য আৰু গেছৰ সমস্যা বৃদ্ধি পাব পাৰে। সেইবাবেই চাহৰ আগতে পানী খাব লাগে। লগতে চাহৰ লগতে কিবা এটা খোৱাৰ অভ্যাস গঢ়ি তোলক, নহ’লে পেট বেয়া হ’ব পাৰে।
ৰাতিপুৱা চাহ খোৱাৰ প্ৰায় ১০-১৫ মিনিট আগতে পানী খাব লাগে। চাহ খোৱাৰ পিছত লগে লগে পানী খাব নালাগে, নহলে পেটত সমস্যা হ’ব পাৰে।যদি চাহ খোৱাৰ পিছত পানী খাবলৈ মন যায় তেন্তে প্ৰায় আধাঘন্টা সময় দিব। ইয়াৰ পিছতহে আপুনি পানী বা কোনো ঠাণ্ডা বস্তু বা ফল-মূল খাব। দৈনিক দুকাপতকে অধিক চাহ খোৱাটো স্বাস্থ্যৰ বাবে ভাল নহয়।