শাক-পাচলি
গৰমৰ দিনত শীত কালিৰ দৰে বিভিন্ন প্ৰকাৰৰ শাক-পাচলি পোৱা নাযায়। অৱশ্যে আজিকালি গৰমৰ দিনটো বন্ধাকবি, বিলাহী, ভেন্দি আদি শীতকালীন পাচলি দাম বেছি হ’লেও বজাৰত ওলায়। লাউ, কোমোৰা, জিকা, ভোল, পটল, ধুন্দুলি, বেঙেনা, লেচেৰা বা দাংবদি আদি পাচলিয়েই গৰমৰ দিনত বেছিকৈ পোৱা যায়।
গৰমৰ দিনৰ এই শাক-পাচলি বিলাকত খনিজ লৱণ আৰু ভিটামিন অধিক পৰিমাণে থাকে। এই বিলাক পাচলি অধিক পৰিমাণে খালেও কেলৰি গ্ৰহণৰ পৰিমাণ কম হয় আৰু চৰ্বিৰ পৰিমাণো থাকে তেনেই সামান্য। শৰীৰৰ মেদ বৃদ্ধিৰ আশংকা নাথাকে।
খাদ্য তালিকাত সেয়ে পাচলি নিয়মিত ভাৱে থকা উচিত। প্ৰতি জন প্ৰাপ্ত বয়স্ক লোকৰ বাবে দিনে এশ গ্ৰাম আৰু শিশুৰ বাবে দিনে পাচলি বাধ্যতা মূলক ভাৱে খাদ্য তালিকাত থকা উচিত। পাচলি থকা আহেঁ কোষ্ঠ কাঠিন্য দূৰ কৰাত সহায় কৰে। নিয়মীয়াকৈ শাক-পাচলি খাই থকা লোকৰ অন্ত্ৰনলী আৰু মলাশয়ৰ কেন্সাৰ হোৱাৰ সম্ভাৱনা নাথাকে।
