বাৰে বাৰে পানী খোৱাৰ পিছতো পিয়াহ নপলাই নেকি আপোনাৰ? এনে কিয় হয় জানেনে? পানী খোৱাটো সকলো মানুহৰ প্ৰয়োজন, কিন্তু যদি এই প্ৰয়োজন অত্যধিক হৈ পৰে তেন্তে শৰীৰত কিবা ৰোগ হোৱাৰ সম্ভাৱনা।প্ৰতিজন স্বাস্থ্য বিশেষজ্ঞই পৰামৰ্শ দিয়ে যে আমি প্ৰচুৰ পৰিমাণে পানী খাব লাগে। যেতিয়াই শৰীৰত পানীৰ অভাৱ হয় তেতিয়াই আমাৰ মগজুৱে পানী খাবলৈ সংকেত দিয়ে, যাক পিয়াহ বোলা হয়। পিয়াহ অনুভৱ কৰাটো শৰীৰৰ এক স্বাভাৱিক প্ৰক্ৰিয়া, কিন্তু কিছুমান লোকে হঠাতে অত্যধিক পিয়াহ অনুভৱ কৰে। যদি আপোনাৰো এনেকুৱা হয়, তেন্তে ইয়াক একেবাৰেই আওকাণ নকৰিব, কাৰণ ই বহুতো গুৰুতৰ ৰোগৰ সংকেত হ’ব পাৰে। এনে অৱস্থাত চিকিৎসকৰ ওচৰত যোৱাটো প্ৰয়োজন।
১/ ডায়েবেটিছ
ডায়েবেটিছ হৈছে এনেকুৱা এক ৰোগ, যিকোনো বয়সৰ মানুহে এই ৰোগৰ বলি হৈছে। ডায়েবেটিছৰ ৰোগ হোৱাৰ অৱস্থাত তেজত চুগাৰৰ পৰিমাণ বৃদ্ধি পায় আৰু ইয়াৰ বাবে শৰীৰত পানীৰ অভাৱ হয় আৰু বাৰে বাৰে পিয়াহ অনুভৱ কৰিবলৈ আৰম্ভ কৰে। এনে পৰিস্থিতিত তৎক্ষণাত চিকিৎসকৰ লগত যোগাযোগ কৰাটো প্ৰয়োজনীয়।
আমি প্ৰায়ে বিয়া, পাৰ্টি বা ঘৰত অত্যধিক টেঙা খাদ্য খাওঁ, এই খাদ্য হজম কৰাটো সহজ নহয়। এনে খাদ্য হজম কৰিবলৈ আমাৰ শৰীৰক অধিক পানীৰ প্ৰয়োজন হয়, তাৰ পিছত আমি স্বাভাৱিকতকৈ অধিক পিয়াহ অনুভৱ কৰো।
বহু সময়ত আমাৰ মানসিক অৱস্থা ঠিক নহয়, যাৰ বাবে আমি অস্থিৰতা সন্মুখীন হ’বলগীয়া হয়, এনে পৰিস্থিতিত মুখখন শুকাবলৈ আৰম্ভ কৰে আৰু এনে অৱস্থাত অধিক পানী খোৱাৰ প্ৰয়োজন হয়।
গ্ৰীষ্মকালত অত্যধিক ঘাম ওলোৱাটো সাধাৰণ কথা, কিন্তু শীতকালত বা স্বাভাৱিক বতৰত যেতিয়া ঘাম ওলাই তেতিয়া ই শৰীৰৰ বহু ৰোগৰ লক্ষণ হ’ব পাৰে। ইয়াৰ কাৰণেও আপুনি অধিক পিয়াহ অনুভৱ কৰে।