আজি আমি আপোনালোকৰ বাবে এনে কিছুমান টিপছ লৈ আহিছো, যিবোৰে আপোনাক ৫০-৬০ বছৰ বয়সত সুস্থ কৰি ৰখাত সহায়ক হ’ব পাৰে। বয়স বৃদ্ধিৰ লগে লগে সুস্বাস্থ্য বজাই ৰাখিবলৈ স্বাস্থ্যসন্মত খাদ্য খোৱাটো অতি প্ৰয়োজনীয় হৈ পৰে। আনহাতে আমাৰ শৰীৰ দুৰ্বল হ’বলৈ আৰম্ভ কৰে আৰু বৃদ্ধ বয়সত আমাৰ শক্তিৰ মাত্ৰা কমি যায়। তথাপিও আপুনি কি আৰু কিমান খাদ্য খায় তাৰ প্ৰতি মনোযোগ দি সুস্বাস্থ্য বজাই ৰাখিব পাৰে…
আপোনাৰ সামগ্ৰিক কেলৰি গ্ৰহণৰ পৰা আৰম্ভ কৰি আপুনি খোৱা পুষ্টিকৰ উপাদানলৈকে, বৃদ্ধ বয়সত নিজৰ যত্ন লোৱাৰ ক্ষেত্ৰত সকলো কথাই গুৰুত্বপূৰ্ণ।
পুষ্টিকৰ খাদ্য যেনে ফল-মূল, শাক-পাচলি, গোটা শস্য, প্ৰটিন আৰু কম চৰ্বিযুক্ত দুগ্ধজাত সামগ্ৰীয়ে সুস্বাস্থ্য বজাই ৰখাত সহায় কৰিব।
জ্যেষ্ঠসকলে নিমখ আৰু চেনিৰ সীমিত পৰিমাণে সেৱন কৰিব লাগে। অত্যধিক নিমখ সেৱনৰ ফলত উচ্চ ৰক্তচাপ হ’ব পাৰে আনহাতে অত্যধিক চেনিৰ পৰিমাণ ডায়েবেটিছৰ সৈতে জড়িত। বয়োজ্যেষ্ঠসকলে খাদ্যৰ সোৱাদ বৃদ্ধি কৰিবলৈ অন্যান্য স্বাস্থ্যকৰ মচলা ব্যৱহাৰ কৰিব পাৰে আৰু চেনিযুক্ত পানীয়ৰ ঠাইত পানী বা মিঠা নকৰা পানীয় খাব লাগে।
ফল-মূল আৰু শাক-পাচলি সেৱন কৰি জ্যেষ্ঠ লোকসকলে নিয়মিত মলত্যাগ বজাই ৰাখিব পাৰে আৰু কলেষ্টেৰলৰ মাত্ৰা কম কৰিব পাৰে।বৃদ্ধ বয়সত দিনটো প্ৰচুৰ পৰিমাণে পানী খাব লাগে আৰু বনৌষধি চাহ আৰু ফলৰ ৰসও খাব পাৰে।
বয়সস্থ লোকে খোৱা খাদ্যৰ প্ৰতিও সাৱধান হ’ব লাগে। কাৰণ তেওঁলোকৰ ভোক কমি যাব পাৰে। প্ৰয়োজন অনুযায়ী খোৱাটো জৰুৰী। বেছিকৈ চেনি খালে আপোনাৰ স্বাস্থ্যৰ বাবে ক্ষতিকাৰক হ’ব পাৰে আনহাতে কমকৈও খাব নালাগে।