পথৰ কুকুৰ সন্দৰ্ভত উচ্চতম ন্যায়ালয়ৰ গুৰুত্বপূৰ্ণ ৰায়। (Dogs) আশ্ৰয় শিবিৰত বন্দী কুকুৰক মুকলি কৰাৰ নিৰ্দেশ।
উচ্চতম ন্যায়ালয়ে দিল্লী-এনচিআৰত পথৰৰ কুকুৰৰ সন্দৰ্ভত পূৰ্বৰ নিৰ্দেশ সংশোধন কৰি নতুন অন্তৱৰ্তীকালীন ৰায়দান দিয়ে আৰু এতিয়া সমগ্ৰ দেশতে কাৰ্যকৰী হ’ব। আদালতে কয় যে টিকাকৰণৰ পিছত কুকুৰকেইটাক নিজৰ জন্মস্থানত এৰি দিয়া হ’ব যদিও পথত কুকুৰক খাদ্য খাবলৈ দিয়াটো সম্পূৰ্ণ নিষিদ্ধ কৰা হ’ব।
এতিয়াৰে পৰা ৰাজহুৱা স্থানত অঘৰী কুকুৰক খুৱাব নোৱাৰিব খাদ্য। সকলো ৰাজ্যলৈ উচ্চতম ন্যায়ালয়ৰ নিৰ্দেশনা জাৰি। হিংস্ৰ কুকুৰক এৰি দিয়াত প্ৰতিবন্ধকতা জাৰি SCৰ।
ইয়াৰ পূৰ্বে ১১ আগষ্টত উচ্চতম ন্যায়ালয়ৰ ২ জনীয়া বিচাৰপীঠে দিল্লী-এনচিআৰৰ সকলো কুকুৰ ধৰি আশ্ৰয় গৃহলৈ পঠিয়াবলৈ নিৰ্দেশ দিছিল, যাৰ ওপৰত পশুৰ অধিকাৰৰ বাবে কাম কৰা বহু সংগঠনে প্ৰত্যাহ্বান জনাইছিল আৰু ইয়াক নিষেধাজ্ঞাৰ দাবী জনাইছিল।
উচ্চতম ন্যায়ালয়ে ১১ আগষ্টৰ পুৰণি আদেশত কিছু পৰিৱৰ্তন কৰি কয় যে ৰাজপথৰ কুকুৰবোৰক বীজাণুমুক্ত কৰি টিকাকৰণ কৰি তাৰ পিছত পুনৰ নিজৰ অঞ্চলত এৰি দিব লাগে।
