মঙলবাৰে নিশা মস্কোত উপস্থিত (Donald Trump Tariffs) হয় ৰাষ্ট্ৰীয় নিৰাপত্তা উপদেষ্টা অজিত ডোভাল৷ বিভিন্ন সূত্ৰৰ মতে এই ভ্ৰমণৰ তাৰিখ ইতিমধ্যে নিৰ্ধাৰণ কৰা হৈছিল৷ কিন্তু শেহতীয়াকৈ ভাৰত-ৰাছিয়াৰ বাণিজ্যিক সম্পৰ্কক লৈ আমেৰিকাই যিদৰে ভাৰত-ৰাছিয়াৰ বাণিজ্যিক সম্পৰ্কক লৈ ইটোৰ পিছত সিটোকৈ ভাৰতক আক্ৰমণ কৰি আহিছে, তাৰ ফলত এই ভ্ৰমণৰ তাৎপৰ্য বৃদ্ধি পাইছে৷ ৰাছিয়াৰ পৰা তেল ক্ৰয় কৰি ভাৰতক পুনৰ ‘ভাবুকি’ দিছে আমেৰিকাই৷
মঙলবাৰে এটা সংবাদ মাধ্যমক দিয়া এক সাক্ষাৎকাৰত আমেৰিকাৰ ৰাষ্ট্ৰপতি ট্ৰাম্পে কয় যে অহা ২৪ ঘণ্টাত ভাৰতৰ ওপৰত শুল্ক বৃদ্ধি কৰা হ’ব৷ সেই ঘোষণাৰ পিছদিনা ৰাষ্ট্ৰীয় নিৰাপত্তা উপদেষ্টা অজিত ডোভাল মস্কোত উপস্থিত হয়৷ ৰাষ্ট্ৰীয় নিৰাপত্তা উপদেষ্টাগৰাকীৰ খৰখেদাকৈ ৰাছিয়া ভ্ৰমণৰ সঠিক উদ্দেশ্যক লৈ আৰম্ভ হৈছে জল্পনা-কল্পনা৷ মঙলবাৰে নিশা মস্কোত উপস্থিত হয় ড’ভাল৷ আচলতে ড’ভালৰ মস্কো ভ্ৰমণৰ লক্ষ্য হৈছে ৰাছিয়া আৰু ভাৰতৰ কূটনৈতিক সম্পৰ্ক আৰু অধিক শক্তিশালী কৰা৷ বিভিন্ন সূত্ৰৰ মতে, যদিও ইতিমধ্যে ড’ভালৰ ভ্ৰমণৰ তাৰিখ নিৰ্ধাৰণ কৰা হৈছিল৷
কিন্তু শেহতীয়াকৈ ভাৰত-ৰাছিয়াৰ বাণিজ্যিক সম্পৰ্কক লৈ আমেৰিকাই যিদৰে ভাৰত-ৰাছিয়াৰ বাণিজ্যিক সম্পৰ্কক লৈ ইটোৰ পিছত সিটোকৈ ভাৰতক আক্ৰমণ কৰি আহিছে, এই ভ্ৰমণৰ তাৎপৰ্য বহুত বাঢ়িছে৷ সূত্ৰ অনুসৰি ড’ভালে এই ভ্ৰমণৰ সময়ত ৰাছিয়াৰ জ্যেষ্ঠ নিৰাপত্তা আৰু প্ৰতিৰক্ষা বিষয়াৰ সৈতে বন্ধ দুৱাৰত বৈঠকত মিলিত হ’ব৷
বৈঠকত আঞ্চলিক স্থিতিশীলতা আৰু সন্ত্ৰাসবাদ বিৰোধী বিষয়ৰ ওপৰত আলোচনা হ’ব পাৰে৷ বৈদেশিক পৰিক্ৰমা মন্ত্ৰী এছ জয়শংকৰেও চলিত মাহৰ শেষৰ ফালে ৰাছিয়া ভ্ৰমণৰ কথা৷ কাকতলীয়াকৈ ক’বলৈ গ’লে নতুন দিল্লীয়ে ৰাছিয়াৰ পৰা তেল আৰু অস্ত্ৰ-শস্ত্ৰ ক্ৰয় কৰাত আমেৰিকা অতি অসন্তুষ্ট৷ যোৱা বুধবাৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে ভাৰতীয় সামগ্ৰীৰ ওপৰত ২৫ শতাংশ শুল্ক আৰোপ কৰাৰ কথা ঘোষণা কৰিছিল৷ ইয়াৰ লগতে তেওঁ কয় যে ৰাছিয়াৰ পৰা তেল আৰু অস্ত্ৰ-শস্ত্ৰ ক্ৰয় কৰিলে ভাৰতে ‘জৰিমনা’ দিব লাগিব৷ সুৰটো আৰু এখোজ আগুৱাই লৈ গৈ সোমবাৰে ভাৰতক পোনপটীয়াকৈ শুল্ক আৰোপ কৰাৰ ভাবুকি দিছিল ট্ৰাম্পে৷ নতুন দিল্লীয়েও সেই সতৰ্কবাণীৰ প্ৰতি তীব্ৰ সঁহাৰি দিলে৷
সোমবাৰে নিশা ভাৰতৰ বৈদেশিক পৰিক্ৰমা মন্ত্ৰালয়ে প্ৰকাশ কৰে যে ৰাছিয়াৰ পৰা তেল ক্ৰয় কৰাৰ বাবে আমেৰিকা আৰু ইউৰোপীয় সংঘই বাৰে বাৰে নতুন দিল্লীক লক্ষ্য কৰি লৈছে৷ এইটো কেৱল অন্যায়েই নহয়, অযুক্তিকৰও৷ অৱশ্যে ইয়াক আওকাণ কৰি ট্ৰাম্পে মঙলবাৰে পুনৰ ঘোষণা কৰে যে অহা ২৪ ঘণ্টাৰ ভিতৰত ভাৰতৰ ওপৰত অধিক শুল্ক আৰোপ কৰা হ’ব৷ সেই সতৰ্কবাণীৰ কিছু ঘণ্টাৰ ভিতৰতে ভাৰতৰ ৰাষ্ট্ৰীয় নিৰাপত্তা উপদেষ্টাজন ৰাছিয়াত উপস্থিত হয়৷
