ভাৰতলৈ আহিব টেছলাৰ বছ ইলন মাস্ক৷ শনিবাৰে বিয়লি(Elon Musk) [ভাৰতৰ সময় অনুসৰি] তেওঁৰ ছ’চিয়েল মিডিয়া হেণ্ডেলত এই কথা ঘোষণা কৰে৷ ইলনে লিখিছে যে তেওঁ চলিত বৰ্ষৰ শেষৰ ফালে ভাৰতলৈ আহিবলৈ আগ্ৰহী৷ প্ৰসংগক্ৰমে শুকুৰবাৰে প্ৰধানমন্ত্ৰী নৰেন্দ্ৰ মোদীয়ে টেছলাৰ চিইঅ’ৰ সৈতে ফোনযোগে কথা পাতিছিল৷ প্ৰযুক্তি আৰু উদ্ভাৱনৰ ক্ষেত্ৰত একেলগে কাম কৰাৰ বিষয়ে আলোচনা কৰে৷ সেই ফোন কলৰ পিছত ইলনে ভাৰত ভ্ৰমণৰ সিদ্ধান্তৰ কথা ঘোষণা কৰিলে৷ টেছলাৰ মালিকৰ ছ’চিয়েল মিডিয়া পোষ্টত মোদীৰ সৈতে হোৱা আলোচনাৰ কথাও উল্লেখ কৰা হৈছে৷ ইলনে লিখিছে যে প্ৰধানমন্ত্ৰী মোদীৰ সৈতে কথা পাতি তেওঁ গৌৰৱ অনুভৱ কৰিছে৷ ইলেক্টিªক গাড়ী নিৰ্মাতা কোম্পানী টেছলাই শেহতীয়াকৈ ভাৰতৰ বজাৰত ব্যৱসায় বৃদ্ধিৰ বাবে পদক্ষেপ গ্ৰহণ কৰিছে৷ সূত্ৰ অনুসৰি টেছলাই ইতিমধ্যে ভাৰতীয় কোম্পানী ‘টাটা’ৰ সৈতে সম্পৰ্ক স্থাপন কৰিছে৷
ভাৰতীয় বজাৰত ইলনৰ কোম্পানীয়ে নিৰ্মিত গাড়ীৰ মূল যোগানকাৰী হ’ব পাৰে তেওঁলোক৷ দৰাচলতে ড’নাল্ড ট্ৰাম্প দ্বিতীয়বাৰৰ বাবে আমেৰিকাৰ ৰাষ্ট্ৰপতি হোৱাৰ পিছৰে পৰা মোদী চৰকাৰে আমেৰিকাৰ সৈতে ভাৰতৰ কূটনৈতিক সম্পৰ্ক আৰু অধিক সুদৃঢ় কৰিবলৈ আগ্ৰহী হৈ আহিছে৷ সেই পৰিৱেশতেই যোৱা ফেব্ৰুৱাৰী মাহত মোদী আমেৰিকালৈ গৈছিল৷ তেওঁ ট্ৰাম্পৰ সৈতে কেইবাটাও বিষয়ত আলোচনা কৰে৷ কেৱল সেয়াই নহয়, দুয়োখন দেশৰ মাজত বাণিজ্যিক চুক্তিয়েও অগ্ৰাধিকাৰ লাভ কৰে৷ সেই ভ্ৰমণৰ সময়ত তেওঁ ইলনৰ সৈতেও সাক্ষাৎ কৰিছিল৷ দৰাচলতে ভাৰত আৰু আমেৰিকা দুয়োখন দেশেই ট্ৰাম্পৰ শুক্ল নীতি আৰু দ্বিপাক্ষিক বাণিজ্য সন্দৰ্ভত আলোচনাত লিপ্ত হৈছে৷ দুয়োখন দেশে এই চুক্তিখন শীঘ্ৰে চূড়ান্ত কৰিব বিচাৰিছে৷ ইফালে মোদীয়ে ইলনৰ সৈতে প্ৰযুক্তি আৰু উদ্ভাৱনৰ ক্ষেত্ৰত আলোচনাৰ সামৰণি মাৰে৷ টেছলাৰ মালিক হোৱাৰ উপৰি ইলন ট্ৰাম্প প্ৰশাসনৰ অন্যতম উপদেষ্টা৷ তেওঁ আমেৰিকাৰ চৰকাৰী দক্ষতা কাৰ্যালয়ৰ দায়িত্বত আছে৷ প্ৰসংগক্ৰমে অহা সপ্তাহৰ আৰম্ভণিতে আমেৰিকাৰ উপ-ৰাষ্ট্ৰপতি জে ডি ভেন্স আৰু তেওঁৰ পত্নী ঊষা ভ্যান্স ভাৰত ভ্ৰমণৰ কথা৷
২১ এপ্ৰিলত প্ৰধানমন্ত্ৰী মোদীৰ সৈতে আলোচনাত মিলিত হোৱাৰ সম্ভাৱনা আছে আমেৰিকাৰ উপ-ৰাষ্ট্ৰপতিগৰাকীৰ৷ আনহাতে, ইলন মাস্কৰ ছেটেলাইটভিত্তিক ইণ্টাৰনেট সেৱা ষ্টাৰলিংকে এয়াৰটেল আৰু জিঅ’ৰ সৈতে অংশীদাৰিত্ব কৰি ভাৰতত প্ৰৱেশ কৰিবলৈ সাজু হৈছে৷ কিন্তু প্ৰশ্ন হয়, ভাৰতত সেৱা আগবঢ়াবলৈ তেওঁলোকক অনুমোদন দিয়া হ’বনেহ্ল টাইমছ অৱ ইণ্ডিয়াত প্ৰকাশিত এক বাতৰি অনুসৰি কেন্দ্ৰীয় চৰকাৰে ষ্টাৰলিংকক ভাৰতত এটা কণ্ট্ৰ’ল চেণ্টাৰ স্থাপন কৰিবলৈ কয়৷ কেৱল সেয়াই নহয়, ষ্টাৰলিংকে নিশ্চিত কৰিব লাগিব যে মাস্কৰ উপগ্ৰহভিত্তিক ইণ্টাৰনেট সেৱাই যাতে ৰাষ্ট্ৰীয় নিৰাপত্তাত ব্যাঘাত জন্মাব নোৱাৰে৷ ইয়াৰ বাবে ল’বলগীয়া পদক্ষেপসমূহৰ বিষয়েও ইল’নৰ সংগঠনক অৱগত কৰিছে মোদী চৰকাৰে৷ কেন্দ্ৰটোৱে লগতে কয় যে প্ৰয়োজন হ’লে দেশৰ নিৰাপত্তা সংস্থাই ষ্টাৰলিংকক কাৰোবাৰ ফোনৰ তথ্য লাভ কৰিবলৈ অনুমতি দিব লাগিব৷ এই পৰিপ্ৰেক্ষিতত প্ৰধানমন্ত্ৰী মোদীৰ সৈতে মাস্কৰ ফোন বাৰ্তালাপ আৰু তাৰ পিছত আমেৰিকাৰ কোটিপতিগৰাকীৰ ভাৰত ভ্ৰমণৰ ঘোষণা তাৎপৰ্যপূৰ্ণ বুলি বিবেচিত হৈছে৷