উচ্চ ইউৰিক এচিডঃ ইউৰিক এচিড বৃদ্ধি হোৱাটো আজিৰ দিনত এক সাধাৰণ সমস্যা। খাদ্যৰ পৰিৱৰ্তন, অতিৰিক্ত ওজন, মদ্যপান আৰু কিছুমান ঔষধে ইউৰিক এচিডৰ মাত্ৰা বৃদ্ধি কৰিব পাৰে। ইউৰিক এচিড হৈছে শৰীৰৰ কোষবোৰ ভাঙি যোৱাৰ সময়ত সৃষ্টি হোৱা পেলনীয়া পদাৰ্থ। সাধাৰণতে ই তেজৰ পৰা বৃক্কৰ জৰিয়তে শৰীৰৰ পৰা ওলাই যায়। কিন্তু কিছুমান ক্ষেত্ৰত শৰীৰত ইউৰিক এচিডৰ পৰিমাণ বেছি হ’ব পাৰে, যাৰ ফলত হাইপাৰ ইউৰিচেমিয়া হ’ব পাৰে। আজি আমি আপোনালোকক জনাম এটা আচৰিত পদ্ধতিৰ বিষয়ে, যাৰ সহায়ত তেজৰ পৰা ইউৰিক এচিড ফিল্টাৰ হৈ শৰীৰৰ পৰা ওলাই আহিব।
মেথি আৰু ধনীয়া গুটিৰ পানী ইউৰিক এচিড কমোৱাৰ এক ফলপ্ৰসূ ঘৰুৱা ঔষধ। ইয়াৰ বাবে এগিলাচ পানীত এচামুচ মেথি গুটি আৰু এচামুচ ধনীয়া গুটি দি ৰাতি তিয়াই থব। এই পানী ৰাতিপুৱা ফিল্টাৰ কৰি খালী পেটত খাব লাগে। এই পানীত থকা পুষ্টিকৰ পদাৰ্থই ইউৰিক এচিডৰ মাত্ৰা হ্ৰাস কৰাত সহায় কৰে। মেথি গুটিত থকা আঁহ আৰু এন্টিঅক্সিডেন্টে শৰীৰৰ পৰা ইউৰিক এচিড আঁতৰোৱাত সহায় কৰে। ধনীয়া গুটিত থকা প্ৰদাহ নিবাৰণকাৰী গুণে গাঁঠিৰ ফুলা আৰু বিষ কমোৱাত সহায় কৰে। এই পানী দৈনিক কেইসপ্তাহমানৰ বাবে সেৱন কৰিলে ইউৰিক এচিডৰ মাত্ৰা হ্ৰাস পোৱা দেখা যায়।
খালী পেটত এইবোৰ সেৱনৰ উপকাৰিতা-
- কোষ্ঠকাঠিন্য দূৰ কৰাত সহায় কৰে। মেথি আৰু ধনীয়া গুটিত থকা আঁহে হজম শক্তি উন্নত কৰাৰ লগতে কোষ্ঠকাঠিন্য দূৰ কৰাত সহায় কৰে।
- ওজন কমাবলৈ সহায় কৰে। মেথি আৰু ধনীয়া গুটিত থকা আঁহে ভোক কমোৱাত সহায় কৰে, যিয়ে ওজন কমাবলৈ সহায় কৰিব পাৰে।
- ৰোগ প্ৰতিৰোধ ক্ষমতা বৃদ্ধি কৰে। মেথি আৰু ধনীয়া গুটিত থকা এন্টিঅক্সিডেন্ট আৰু এন্টি-ইনফ্লেমেটৰী গুণে ৰোগ প্ৰতিৰোধ ক্ষমতা বৃদ্ধিত সহায় কৰে।
- ছালখন সুস্থ কৰি ৰাখে। মেথি আৰু ধনীয়া গুটিত থকা এন্টিঅক্সিডেন্টে ছালখনক ক্ষতিৰ পৰা ৰক্ষা কৰাত সহায় কৰে।
