নলবাৰী নাট্য মন্দিৰত “নলবাৰী আইডল” শীৰ্ষক অনুষ্ঠানৰ চূড়ান্ত প্ৰতিযোগিতা…

নলবাৰী জিলাৰ নাট্যমন্দিৰত ভাৰতীৰ সেনা বাহিনীৰ সৌজন্যত বৃহস্পতিবাৰৰ পৰা দুদিনীয়া কাৰ্যসূচীৰে আৰম্ভ হৈছে নলবাৰী আইডল শীৰ্ষক সংগীত প্ৰতিযোগিতাৰ অনুষ্ঠান । ভাৰতীৰ সেনা বাহিনীৰ উদ্যোগত অনুষ্ঠিত  এই সংগীত অনুষ্ঠানত বৃহস্পতিবাৰে ছেমি ফাইনেল ৰাউণ্ড অনুষ্ঠিত কৰা হৈছিল  । সেই মৰ্মে আজি এই অনুষ্ঠানৰ ফাইনেল সংগীত প্ৰতিযোগিতাখন অনুষ্ঠিত কৰা হয়  । এই সংগীত অনুষ্ঠানত নলবাৰী জিলাৰ লগতে অন্য জিলাৰ প্ৰতিযোগী সকলে অংশ গ্ৰহণ কৰে । ৭ এপ্ৰিলত অনুষ্ঠিত প্ৰাৰম্ভিক ৰাউণ্ডত মুঠ 70 জন প্ৰতিযোগীয়ে অংশগ্ৰহণ কৰিছিল ।

আনহাতে দুদিনৰ ভিতৰত প্ৰতিযোগী সকলে তেওঁলোকৰ প্ৰতিভা প্ৰদৰ্শন কৰিছিল । উল্লেখ্য যে পূজা কলিতাই এই বছৰ “নলবাৰী আইডল”2022 জয় লাভ কৰে লগতে ভাৰতীয় সেনা বাহিনীৰ পৰা তেওঁক নগদ ধন আৰু মানপত্ৰৰে পুৰষ্কৃত কৰা হয়  । আনহাতে ভৰ্গাবি গোস্বামী প্ৰথম ৰানাৰ্চ আপ, ধৃতিদীপ কাশ্যপক দ্বিতীয় ৰানাৰ্চ আপ এই প্ৰতিযোগিতাত ঘোষণা কৰা হয় । এই অনুষ্ঠানত ভাৰতীৰ সেনা বাহিনীৰ শীৰ্ষ বিষয়া-জোৱান সহ সংগীত প্ৰেমী ৰাইজ উপস্থিত থাকে  ।