আজি বিজেপিৰ ৰাজ্যিক নেতৃত্বই ধুবুৰী ..,গৌৰীপুৰ,গোলকগঞ্জ…পৌৰসভাৰ অধ্যক্ষ আৰু উপাধ্যক্ষৰ নাম চূড়ান্ত কৰা হয়। উল্লেখ্য যে, সদ্য সমাপ্ত পৌৰসভা নিৰ্বাচনত ধুবুৰীৰ মুঠ ১৬টা ৱাৰ্ডৰ ১১টা ৱাৰ্ডতে বিজয়ী হৈ ধুবুৰী পৌৰসভাত নিৰংকুশ সংখ্যাগৰিষ্ঠতা লাভ কৰিছিল বি জে পি য়ে। প্ৰত্যায়িত সেই বিজয়ৰ পিছত পৌৰসভাখনৰ সম্ভ্যাৱ্য অধ্যক্ষ আৰু উপাধ্যক্ষক লৈ দলটোৰ স্থানীয় একাংশ বিজয়ী প্ৰাৰ্থী ৰ মাজত বিগত দিনবোৰৰ চৰ্চা হোৱাৰ সময়ত, সকলো চৰ্চাৰ অন্ত পেলাই আজি বিজেপিয়ে ধুবুৰী পৌৰসভাৰ অধ্যক্ষ আৰু উপাধ্যক্ষ কোন হ’ব সেয়া নিশ্চিত কৰে। বিজেপিৰ ধুবুৰী জিলাৰ ভাৰপ্ৰাপ্ত সভাপতি প্ৰসেনজিৎ দত্তই সম্পূৰ্ণ গণতান্ত্ৰিক প্ৰক্ৰিয়াৰে দলৰ ৰাজ্যিক নেতৃত্বই ধুবুৰীৰ পৌৰসভাৰ অধ্যক্ষ আৰু উপাধ্যক্ষৰ নাম চূড়ান্ত কৰা বুলি সাংবাদিকক অৱগত কৰে। ধুবুৰীৰ ২ নং ৱাৰ্ডৰ পৰা বিজয়ী হোৱা তথা দলটোৰ প্ৰাক্তন জিলা সভাপতি ডা৹ দেবময় সান্নালক অধ্যক্ষ আৰু চহৰ খনৰ ১৫ নং ৱাৰ্ডৰ বিজয়ী প্ৰাৰ্থী আইভি লতা ৰায়ক ধুবুৰী পৌৰসভাৰ উপাধ্যক্ষৰূপে চূড়ান্ত কৰা হোৱা বুলি প্ৰকাশ।
ইফালে, গৌৰীপুৰ পৌৰসভাৰ অধ্যক্ষ আৰু উপাধ্যক্ষৰ নাম ঘোষণা কৰে বি জে পি ৰ ৰাজ্যিক নেতৃবর্গই। সেই মৰ্মে, গৌৰীপুৰ পৌৰসভাৰ অধ্যক্ষ পদত জয়া বিশ্বাস আৰু উপাধ্যক্ষ পদত, বিজয় ৰায়ৰ নাম ঘোষণা কৰে ৷উল্লেখ্য যে,অসম পৌৰসভা আইনত থকা ব্যৱস্থা মতে পৌৰ নিৰ্বাচনত চহৰখনৰ মুঠ ১৬টা ৱাৰ্ডৰ ৱাৰ্ড আয়ুক্তৰ নাম চূড়ান্ত হোৱাৰ পিছৰ পৌৰসভাৰ প্ৰথমটো বৈঠক অনুষ্ঠিত কৰাৰ নিৰ্দেশো ইতিমধ্যে জাৰী কৰিছে ধুবুৰী জিলা উপায়ুক্তয়ে ৷ নিৰ্দেশনা মতে, আজি ধুবুৰী পৌৰসভাৰ কাৰ্য্যলয়ত, পৌৰসভাৰ প্ৰথমটো বৈঠক অনুষ্ঠিতৰ অন্তত অধ্যক্ষ পদত ডা° দেবময় সান্যাল আৰু উপাধ্যক্ষ পদত আইভি লতাৰ লগতে মুঠ ১৬ গৰাকী ৱাৰ্ড আয়ুক্তই শপত লয়। তাৰ ভিতৰত বিজেপি দলৰ ১১ জন, কংগ্ৰেছ দলৰ এজনী, অ গ প দলৰ দুই জন আৰু নিৰ্দলীয় দুই জন ওৱাৰ্ড আয়ুক্তই শপত গ্ৰহণ কৰে।আনহাতে গোলকগঞ্জ পৌৰসভা ৰ নতুন পৌৰসভা নেএী হিচাপে সাবিএী ৰায় ক আৰু উপ অধ ক্ষ্য হিচাপে টিঙ্কু নন্দী ক জিলা বিজেপি নিৰ্বাচিত কৰে।
