Flood । নগা পাহাৰত অবাধ কয়লা খননৰ ফলত এজাক বৰষুণতে সৃষ্টি হয় বানপানী । দুদিন ধৰি অসম-নাগালেণ্ড সীমান্তৱৰ্তী অঞ্চলত দিয়া বৰষুণৰ ফলত নগা পাহাৰৰ পৰা প্ৰৱাহিত হোৱা নামদাং, দিচৈ, দৈখনা, ডেন্সি আদি উপনদী সমূহৰ লগতে জান জুৰি পানীয়ে উপচি পৰাত সীমান্তৱৰ্তী গেলেকীৰ মৰাণ গাওঁ, কছাৰী, ন-মাটি বনুৱা, তল মৰাণ গাওঁ, নৱ মাটি কাটনীপাৰ, ওপৰ চুক, চৰাইসজীয়া আদি তিনিকুৰিৰোধিক গাওঁ বানপানীৰ কৱলত পৰিছে |
নগা পাহাৰত অবাধ কয়লা খননৰ ফলত পাহাৰৰ মাটি উপ নদী আৰু জান জুৰি সমূহত পৰি জলপৃষ্ঠৰ গভীৰতা হ্ৰাস পাই অহাৰ ফলতেই এজাক বৰষুণতে অঞ্চল সমূহত এনেদৰে বানপানীৰ সৃষ্টি হয় | সম্প্ৰতি এই বানৰ ভয়াৱহ ৰূপ ধাৰণ কৰিছে | যদিও বান নিয়ন্ত্ৰণ তথা চৰকাৰী বিভাগীৰ মূৰব্বী আৰু প্ৰশাসন কৰ্তৃপক্ষই প্ৰতিৰোধৰ ক্ষেত্ৰত কোনো কাৰ্যকৰী ব্যৱস্থা গ্রহণ কৰা পৰিলক্ষিত হোৱা নাই |
