ওদালগুৰি জিলাৰ খৈৰাবাৰী থানাৰ অন্তৰ্গত ঝাৰগাঁৱত শনিবাৰে পুৱা প্ৰায় ১১ বজাত দৈনিক বজাৰৰ এখন হোটেলত চাহত বিষক্ৰিয়া হৈ ১৪জনতকৈ অধিক লোক আক্রান্ত হয়৷
খবৰ অনুসৰি ঝাৰগাঁৱ চ’কৰ এখন চাহ দোকানত শনিবাৰে পুৱা প্ৰায় ১১ বজাত চাহৰ লগত খোৱা লাড়ু-পিঠা খোৱাৰ পিছতে এজনৰ পিছত এজনকৈ লোক মূৰ ঘূৰাই ঢলি পৰাত ৰাইজৰ মাজত হুৱাদুৱা লাগে৷ পিছত ভূঞাখাট স্বাস্থ্য কেন্দ্ৰ, খৈৰাবাৰী আদিৰ পৰা অহা এম্বুলেন্সে বিষক্ৰিয়াত আক্ৰান্তসকলক ক্ৰমে খৈৰাবাৰী, মঙলদৈ, টংলাৰ চিকিৎসালয়ত ভর্তি কৰে ৷
দুজনৰ অৱস্থা সংকটজনক হোৱাত মঙলদৈ অসামৰিক চিকিৎসালয়লৈ প্ৰেৰণ কৰে ৷ আক্ৰান্তসকল ক্ৰমে দেবাছিছ ডেকা (২৭), সুমন ধৰ( ২৩), তৰুণ ডেকা (৫৮), পাৰ্থ পাতিম বৰা(৩৬), হেমকান্ত ডেকা(৫৫), সুমন ধৰ (২৩), তৰুণ ডেকা (৫৬),জগনাথ (৩২) বুলি চিনাক্ত কৰা হৈছে৷ ইতিমধ্যে আৰক্ষীয়ে ঘটনাৰ তদন্ত আৰম্ভ কৰিছে৷
