আজিকালি বাহিৰত খাদ্য খোৱাটো সাধাৰণ কথা হৈ পৰিছে, কিন্তু আপুনি কেতিয়াবা ভাবিছেনে যে আপোনাৰ প্ৰিয় ৰেষ্টুৰেণ্টৰ খাদ্য কিমান সুৰক্ষিত? বিশেষকৈ ৰুটি, যিটো ভাৰতীয় খাদ্যৰ এক গুৰুত্বপূৰ্ণ অংগ, যদিহে ৰন্ধা সময়ত পৰিষ্কাৰ-পৰিচ্ছন্নতাৰ যত্ন লোৱা নহয়, তেন্তে ই আপোনাৰ স্বাস্থ্যৰ প্ৰতি ভাবুকি হৈ পৰিব পাৰে। এই ৫টা পৰিষ্কাৰ-পৰিচ্ছন্নতাৰ ভুলৰ বিষয়ে জানো আহক-(Food Safety)
১) লেতেৰা হাতেৰে আটা মিহলোৱা
আটা মিহলাই ৰুটি প্ৰস্তুত কৰা আৰম্ভ হয়। যদি ৰান্ধনীয়ে নধোৱা বা লেতেৰা হাতেৰে আটা মিহলাই, তেন্তে আটাত বেক্টেৰিয়া আৰু বীজাণু সোমাব পাৰে। ৰুটি সিজোৱাৰ পাছতো এই বীজাণুবোৰ সম্পূৰ্ণৰূপে নাইকিয়া হৈ নাযায়। সেয়েহে সদায় ৰান্ধনীয়েে পৰিষ্কাৰ গ্ল’ভছ পিন্ধি বা ভালদৰে হাত ধোৱাৰ পিছত কাম কৰিব লাগে।
২) কেৰাহীত মলি
কেৰাহীত ৰুটি ৰান্ধিবলৈ ব্যৱহাৰ কৰা হয় যদিও কেৰাহীখন লেতেৰা হ’লে বা তাত বাহি খাদ্যৰ অৱশিষ্ট লাগি থাকিলে ৰুটি দূষিত হ’ব পাৰে। লেতেৰা কেৰাহীয়ে সোৱাদ নষ্ট কৰাই নহয় খাদ্য বিষক্ৰিয়াৰো সৃষ্টি কৰিব পাৰে। ৰেষ্টুৰেণ্টত নিয়মিতভাৱে কেৰাহী চাফা কৰাটো অতি প্ৰয়োজনীয়।
৩/ অস্বাস্থ্যকৰ পাকঘৰৰ পৰিৱেশ
ৰুটি ৰন্ধা সময়ত পাকঘৰৰ পৰিৱেশটোও গুৰুত্বপূৰ্ণ। পাকঘৰত যদি মাখিৰ থাকে, মজিয়া লেতেৰা হয় বা জাবৰ জমা হয়, তেন্তে ইয়াৰ ফলত খাদ্যৰ মানদণ্ডত প্ৰভাৱ পৰিব পাৰে। তেনে ঠাইত বনোৱা ৰুটি খালে পেটৰ ৰোগ হ’ব পাৰে।
৪) পুৰণি বা নষ্ট আটা ব্যৱহাৰ কৰা
বহু ৰেষ্টুৰেণ্টত খৰচ কমোৱাৰ বাবে পুৰণি বা নষ্ট হোৱা আটা ব্যৱহাৰ কৰা হয়। এনে আটাৰ সোৱাদ বেয়া হোৱাই নহয়, ইয়াত ভেঁকুৰ আৰু বেক্টেৰিয়াও হ’ব পাৰে। সতেজ আটাৰ ৰুটিৰ সুগন্ধি আৰু টেক্সচাৰ বেলেগ, যিটো আপুনি সহজেই চিনাক্ত কৰিব পাৰে।
