নলবাৰী : আজি অসম জাতীয়তাবাদী যুৱ-ছাত্ৰ পৰিষদ, নলবাৰী জিলা সমিতিৰ অন্তৰ্গত দক্ষিণ পকোৱাত অসম জাতীয়তাবাদী যুৱ-ছাত্ৰ পৰিষদৰ এখন আঞ্চলিক সমিতি গঠন কৰা হয়। অসম জাতীয়তাবাদী যুৱ-ছাত্ৰ পৰিষদ, নলবাৰী জিলা সমিতিৰ সভাপতি মনোৰম কলিতাৰ সভাপতিত্বত, উপদেষ্টা গৌতম কুমাৰ শৰ্মা, সাধাৰণ সম্পাদক নিৰোদ দাস, সাংস্কৃতিক সম্পাদক কৌশিক বৰ্মণ, বৰভাগ আঞ্চলিক সমিতিৰ সভাপতি তাজিমউদ্দিন আহমেদ, প্ৰচাৰ সম্পাদক বিৰু আলীৰ উপস্থিতিত আব্দুল আৱালক সভাপিত আৰু কিশোৰ ডেকাক সাঃ সম্পাদক হিচাপে দায়িত্ব অৰ্পণ কৰি দক্ষিণ পকোৱা আঞ্চলিক সমিতিখন গঠন কৰা হয়। পৰিষদৰ পতাকা আৰু সংবিধানৰ সন্মান অক্ষুন্ন ৰাখি কাম কৰি যোৱাৰ সংকল্পৰে প্ৰতিজন বিষয়ববীয়াই শপত গ্ৰহণ কৰে।
