গুৱাহাটী বিশ্ববিদ্যালয়ৰ এন এছ এছ কোষ , ইছাফ ফাউণ্ডেশ্যন আৰু চেণ্টাৰ ফৰ এনভাইৰনমেণ্ট এডুকেশ্যনে কামৰূপ পূৱ সংমণ্ডলৰ বন বিভাগৰ সহযোগত বিশ্ব পৰিবেশ দিৱস উদযাপনৰ বাবে গড়ভঙা সংৰক্ষিত বনাঞ্চলত এক বৃহৎ গছপুলি ৰোপণ অভিযান কাৰ্য্যসূচীৰ আয়োজন কৰা হয়। গুৱাহাটী বিশ্ববিদ্যালয়ৰ ছাত্ৰ কল্যাণ সঞ্চালক তথা এন এছ এছ কোষৰ কাৰ্যসূচী সমন্বয়ক ড০ ৰঞ্জন কুমাৰ কাকতিয়ে এইবাৰৰ পৰিৱেশ দিৱসৰ মূল বিষয়বস্তু “ভূমি পুনৰুদ্ধাৰ, মৰুভূমি আৰু খৰাং স্থিতিস্থাপকতা”ৰ ওপৰত গুৰুত্ব আৰোপ কৰি গোলকীয় উষ্ণতা বৃদ্ধিৰ বিৰুদ্ধে যুঁজিবলৈ বৰ্তমানৰ পৃথিৱীত বননিকৰণৰ গুৰুত্বৰ বিষয়ে ব্যাখ্যা কৰে।
গুৱাহাটী বিশ্ববিদ্যালয় এন এছ এছ কেষে বিগত চাৰি বছৰ ধৰি কৰি অহা মহৎ প্ৰদক্ষেপ “পাহাৰবোৰ সেউজ কৰোঁআহক” শীৰ্ষক এই প্রদক্ষেপ গুৱাহাটীৰ সমীপৱৰ্তী পাহাৰীয়া অঞ্চলৰ খালী ঠাইত বৃক্ষৰোপণৰ উদ্যোগ ল’বলৈ এন এছ এছৰ সকলো স্বেচ্ছাসেৱকলৈ আহ্বান জনায়। গছপুলি ৰোপণ অভিযানত যোগদান কৰে। চি ই ইৰ কাৰ্যসূচী সমন্বয়ক বিজয়লক্ষ্মী বৰপূজাৰী, ইচাফ ফাউণ্ডেশ্যনৰ বৰষা বৰুৱা, ৰেঞ্জ ফৰেষ্ট অফিচাৰ বিৰ্টী ইংতিপিয়ে। প্লেনটেচন ড্ৰাইভৰ সময়ত প্ৰায় ২০০ টা পুলি ৰোপণ কৰা হয়।
