gaurav gogoi । পৱিত্ৰ ৰমজান মাহ চলি থকা বাবেই ফল্গুৎসৱত মুখত ৰং নলগালে নেকি APCC-ৰ সভাপতি গৌৰৱ গগৈয়ে?কংগ্ৰেছৰ সাংসদ গৌৰৱ গগৈয়ে ৰঙৰ উৎসৱ হোলী পালন নকৰা বিষয়টোক লৈ ব্যাপক প্ৰতিক্ৰিয়া সৃষ্টি হৈছে। ৰঙৰ উৎসৱত কিয় দেখা নগ’ল গৌৰৱ গগৈক ? এই ঘটনাক লৈ বিভিন্ন মহলত এতিয়া নানা প্ৰতিক্ৰিয়া সৃষ্টি হৈছে।
উল্লেখ্য যে, ফাগুন মাহত উদযাপন কৰা ৰঙৰ উৎসৱ হোলী অসমৰ লগতে সমগ্ৰ দেশতে উৎসাহেৰে পালন কৰা হয়। কিন্তু এইবাৰ উৎসৱৰ সময়ত গৌৰৱ গগৈক ৰাজহুৱা ভাৱে হোলী খেলাৰ দৃশ্য দেখা নোপোৱাৰ বিষয়টো সামাজিক মাধ্যম আৰু জনসাধাৰণৰ মাজত আলোচনা বিষয় হৈ পৰিছে। চন্দ্ৰপুৰৰ বাসিন্দা হৰেণ মালাকাৰে এই বিষয়ত প্ৰতিক্ৰিয়া প্ৰকাশ কৰি কয় যে, “গৌৰৱ গগৈয়ে যে হোলী খেলা নাই তাত তেওঁৰ কি মনোবৃত্তি লুকাই আছে ধৰিব পৰা নাই। আমি হিন্দু মানুহ যিহেতু ৰঙৰ উৎসৱ হোলী পালন কৰিমে, গৌৰৱ গগৈয়ে হোলী পালন নকৰি কিহৰ ইংগিত দিলে সেয়া আচৰিত কথা। গৌৰৱ গগৈয়ে আচলতে হোলা পালন কৰিবই নোৱাৰে।” আন এজন স্থানীয় বাসিন্দা অজিত কলিতাইও একে ধৰণৰ মত প্ৰকাশ কৰি কয় যে, পৱিত্ৰ ৰমজান মাহ চলি থকা বাবেই ফল্গুৎসৱত মুখত ৰং নলগালে নেকি APCC-ৰ সভাপতি গৌৰৱ গগৈয়ে? ইফালে, আন একাংশও সেই মতে প্ৰকাশ কৰি কয় যে এই সময়ত পৱিত্ৰ ৰমজান মাহ চলি থকাৰ বাবে গৌৰৱ গগৈয়ে হোলী উপলক্ষে ৰাজহুৱা ভাৱে ৰং খেলাৰ পৰা আঁতৰি থাকিব পাৰে।
