হাঁহচৰা টাই একাডেমীৰ উদ্যোগত (Hahchara News) আৰু হাঁহচৰা কেন্দ্ৰীয় মে-ডাম -মে -ফি, আটাছু পূব হাঁহচৰা আঞ্চলিক সমিতি, মাহেকীয়া বাৰ্তালোচনী ৰংপুৰ বাৰ্তাৰ সহযোগত ২১ জুলাইৰ পৰা ২৭ জুলাই ২০২৫ লৈ আয়োজন কৰা টাই সাংস্কৃতিক কৰ্মশালা অনুষ্ঠিত হৈ যায়। ২৭ জুলাইত দিনটোত হাহঁচৰা টাই একাডেমীৰ সাংস্কৃতিক কৰ্মশালাৰ সামৰণি অনুষ্ঠান অনুষ্ঠিত হয়। উক্ত সামৰণি অনুষ্ঠানৰ মুকলি সভাত সভাপতিত্ব কৰে চাও অনুপ বৰপাত্ৰগোঁহাই, আদৰণি ভাষণ আগবঢ়াই টাই একাডেমীৰ অধ্যক্ষ চাও ভৰত চন্দ্ৰ চেতিয়াই । মুখ্য অতিথি হিচাপে উপস্থিত থাকে নাজিৰা প্ৰেছ ক্লাবৰ প্ৰাক্তন সভাপতি তথা শিশু সাহিত্যক বুলু চেতিয়া, সমাজকৰ্মী অনন্ত চেতিয়া, হাঁহচৰা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ যতীন চেতিয়া, নবীন বৰপাত্ৰগোঁহাই, সমাজ সেৱিকা শিখা প্ৰিয়া গগৈ। এই মুকলি সভাত মুখ্য প্ৰশিক্ষক মানচাও সুশীল ফুকন সম্বৰ্ধনা জনাই।
হাঁহচৰা টাই একাডেমীৰ সাংস্কৃতিক সম্পাদক চাও মৃদুল পংকজ বৰগোহাঁই আঁতধৰা অনুষ্ঠানৰ উপস্থিত থাকে সাংবাদিক ধুব্ৰু গগৈ, সাংবাদিক জয়ন্ত চেতিয়া, সীমান্ত দত্ত, বিপুল বৰুৱা, ইন্দ্ৰ বৰুৱা, গৌতম কোঁছ, অৰুন গগৈ , সুৰভী বৰ পাত্ৰ গোহাঁই, সবিতা বৰুৱা আদি কৰি বহ সংখ্যাক অভিভাৱক অভিভাকা উপস্থিত থাকি সভাৰ সৌস্থৱ বৃদ্ধি কৰে।
ছাত্ৰ-ছাত্ৰী সকলে প্ৰশিক্ষণ লোৱা বাৰে ৰহনীয়া সাংস্কৃতিক গীত, নৃত্য পৰিৱেশন কৰি দিনটোৰ জীপাল কৰি তুলে।
সদৌ শেষত টাই একাডেমীৰ গীত পৰিৱেশন কৰি অনুষ্ঠানটিৰ সফল সামৰণি পৰে।
