চাপৰত স্বাস্থ্য বিভাগৰ বৃহৎ পদক্ষেপ

২৮ নবেম্বৰৰ ভিতৰত কোভিড টিকাকৰণৰ প্ৰথম পালি প্ৰতিজন ব্যক্তিক প্ৰদান কৰাৰ লক্ষ্য চাপৰ স্বাস্থ্য বিভাগৰ।ভোটাৰ তালিকা হাতত লৈ ঘৰে ঘৰে গৈ ভেকচিন প্ৰদান কৰিব স্বাস্থ্য কৰ্মীয়ে।চাপৰৰ প্ৰাথমিক চিকিৎসালয়ৰ অন্তৰ্গত ১ লাখ ২ হাজাৰ লোকৰ ভিতৰত ইতিমধ্যে  ৯৬ হাজাৰ ব্যক্তিক কোভিড প্ৰথম পালি টিকাকৰণ প্ৰদান। ধুবুৰী জিলাৰ চাপৰ প্ৰগতি ভৱনত স্বাস্থ্য বিভাগৰ নিৰ্দেশত চাপৰ প্ৰাথমিক চিকিৎসালয়ৰ স্বাস্থ্য কৰ্মী সকলৰ উপস্থিতিত এখন সভা অনুষ্ঠিত হয়। উক্ত সভাত আশা কৰ্মী সকলৰ লগতে বিভিন্ন বৰ্গৰ স্বাস্থ্য কৰ্মী সকলক লগত লৈ কোভিড ভেকচিনৰ ওপৰত এক আলোচনা চক্ৰ অনুষ্ঠিত কৰে। চাপৰ প্ৰাথমিক চিকিৎসালয়ে ইতিমধ্যে চাপৰ অঞ্চলৰ ১লাখ ২ হাজাৰ লোকৰ ভিতৰত ৯৬ হাজাৰ লোকক প্ৰথম পালি কোভিড টিকাকৰণ প্ৰদান কৰিছে আৰু যি সকল ব্যক্তি এতিয়ালৈ কোভিড টিকাকৰণৰ প্ৰথম পালি লোৱা নাই তেওঁলোকক অহা ১৯ নবেম্বৰ তাৰিখৰ ভিতৰত চিনাক্ত কৰি প্ৰয়োজন সাপেক্ষে ভোটাৰ তালিকা লৈ ২০ তাৰিখৰ পিছত ঘৰে ঘৰে গৈ কোভিড ভেকচিন প্ৰদান কৰিব বুলি জানিব পৰা যায়। ইতিমধ্যে চাপৰ স্বাস্থ্য কৰ্মী সকলে চাপৰ অঞ্চলৰ প্ৰতিজন ব্যক্তিক ২৮ নবেম্বৰ ভিতৰত সম্পূৰ্ণ টিকাকৰণ কৰিব বুলি জানিবলৈ দিয়ে।