অসমত(Himanta Biswa Sarma) তৃতীয়বাৰলৈ বিজেপি চৰকাৰ গঠন হ’লে অবৈধ বিদেশী নাগৰিকে দখল কৰি ৰখা ৫ লাখ বিঘা ভূমি বেদখলমুক্ত কৰা হ’ব বুলি ঘোষণা কৰিছে মুখ্যমন্ত্ৰী হিমন্ত বিশ্ব শৰ্মাই৷ ডিব্ৰুগড় খনিকৰ খেলপথাৰত অনুষ্ঠিত বিজেপিৰ পৃষ্ঠাপ্ৰমুখ সন্মিলনত অংশগ্ৰহণ কৰি মুখ্যমন্ত্ৰীয়ে এই ঘোষণা দিয়ে৷ ভাষণত তেওঁ কয় যে, অসমত প্ৰায় ২০ লাখ বিঘা ভূমি অবৈধ বিদেশীৰ দখলত আছে৷ যোৱা পাঁচ বছৰত ৰাজ্য চৰকাৰে ডেৰ লাখ বিঘা ভূমি বেদখলমুক্ত কৰিছে বুলি উল্লেখ কৰি তেওঁ কয়– ‘আমি কথা ক’লে বিশ্বাস নকৰে, কাম কৰিলে বিশ্বাস কৰে৷’ আগন্তুক পাঁচ বছৰত অধিক শক্তিশালী অভিযান চলাই ৫ লাখ বিঘা ভূমি উদ্ধাৰ কৰাৰ লক্ষ্য স্থিৰ কৰা হৈছে বুলি তেওঁ প্ৰকাশ কৰে৷ নিয়োগ আৰু কল্যাণমূলক আঁচনিৰ প্ৰতিশ্ৰুতি মুখ্যমন্ত্ৰীয়ে ঘোষণা কৰে যে তৃতীয়বাৰ চৰকাৰ গঠন হ’লে ৰ লাখৰ পৰা ২ লাখলৈ যুৱক-যুৱতীক নিয়োগ প্ৰদান কৰা হ’ব৷
লগতে মুখ্যমন্ত্ৰীৰ আত্মনিৰ্ভৰ আঁচনিৰ অধীনত ৰ লাখৰ পৰা ১০ লাখ টকা পৰ্যন্ত আৰ্থিক সহায় আগবঢ়োৱা হ’ব বুলি কয়৷ দৰিদ্ৰ লোকৰ বাবে ১০০ টকাত চেনি, দাইল, নিমখ আদি সামগ্ৰী বিনামূলীয়াকৈ প্ৰদান কৰাৰো প্ৰতিশ্ৰুতি দিয়ে৷ তেওঁ লগতে উল্লেখ কৰে যে ৰ লাখ যুৱক-যুৱতীক চাকৰি দিয়াৰ কথা কৈছিল যদিও ইতিমধ্যে ১.৬০ লাখতকৈ অধিক যুৱ-যুৱতীয়ে নিয়োগ লাভ কৰিছে৷ ডিব্ৰুগড়ক ৰাজধানী মৰ্যাদা দিয়াৰ ইংগিত চ্ছ চনৰ বিধানসভা নিৰ্বাচনক লৈ মন্তব্য কৰি মুখ্যমন্ত্ৰীয়ে কয় যে গুৱাহাটীৰ পিছত ডিব্ৰুগড়কো ৰাজধানীৰ মৰ্যাদা দিয়াৰ প্ৰস্তাৱ লৈ ৰাইজৰ কাষ চাপিব৷ তেওঁ কয়, ৰাজ্যৰ সৰ্বাংগীণ উন্নয়নৰ বাবে ডিব্ৰুগড়ক এক গুৰুত্বপূৰ্ণ প্ৰশাসনিক কেন্দ্ৰ হিচাপে গঢ়ি তোলাৰ পৰিকল্পনা আছে৷ উন্নয়ন আৰু ঐতিহ্যৰ উল্লেখ ভাষণত তেওঁ যোৰহাটৰ পৰা ডিব্ৰুগড়লৈ ৰাষ্ট্ৰীয় ঘাইপথ উন্নয়ন, বিমান অৱতৰণ সক্ষমতা বৃদ্ধি আদিৰ কথা উল্লেখ কৰে৷ লগতে চৰাইদেউ মৈদামক ইউনেস্কোৰ বিশ্ব ঐতিহ্যৰ স্বীকৃতি লাভ কৰা আৰু অসমীয়া ভাষাই দ্ৰুপদী ভাষাৰ মৰ্যাদা পোৱাৰ কথাও স্মৰণ কৰে৷
অসমত গড় হত্যা বন্ধ হোৱা বুলি দাবী কৰি মুখ্যমন্ত্ৰীয়ে কয় যে কাজিৰঙাত শান্তি বৰ্তি আছে৷ অবৈধ বাংলাদেশীৰ বিৰুদ্ধে অভিযান অব্যাহত থাকিব বুলি তেওঁ দৃঢ়তাৰে উল্লেখ কৰে৷ ২০২৬ আৰু ২০৩১ নিৰ্বাচনক লৈ ৰাজনৈতিক মন্তব্য সংবাদ মাধ্যমৰ আগত মুখ্যমন্ত্ৰীয়ে কয় যে ২০২৬ চনত কংগ্ৰেছ বিৰোধী দল হিচাপে থাকিব পাৰে যদিও ২০৩১ চনত বিধায়ক অখিল গগৈৰ নেতৃত্বাধীন ৰাইজৰ দলে বিৰোধীৰ ভূমিকা ল’ব পাৰে৷ তেওঁ কয় যে মিঞা মুছলমান অধ্যুষিত অঞ্চলত বেদখল অভিযান চলোৱাৰ সময়ত কংগ্ৰেছ থিয় নোহোৱাত ৰাইজৰ আস্থা হ্ৰাস পাইছে৷ মুখ্যমন্ত্ৰীয়ে লগতে দাবী কৰে যে ২০২৬ চনৰ নিৰ্বাচনত অসমৰ লগতে পশ্চিমবংগতো বিজেপিয়ে চৰকাৰ গঠন কৰিব লাগিব, যাতে অবৈধ অনুপ্ৰৱেশ সম্পূৰ্ণৰূপে ৰোধ কৰিব পৰা যায়৷ ভাষণৰ অন্তত তেওঁ কয় যে নতুন অসম গঢ়াৰ লক্ষ্য লৈ ৰাজ্য চৰকাৰ আগবাঢ়িছে আৰু আগন্তুক সময়ছোৱাত উন্নয়ন, নিয়োগ আৰু জাতীয় স্বাভিমানৰ ক্ষেত্ৰত অধিক জোৰ দিয়া হ’ব৷
