আধ্যাত্মিক অনুষ্ঠানৰ সাহিত্য বিভাগৰ দ্বাৰা গাঁও তথা অঞ্চলৰ ইতিহাস সমৃদ্ধ স্মৃতিগ্ৰন্থ ‘কল্পতৰু- ২০২১’ দক্ষিণ যোৰহাটৰ পাণগিৰীয়া বৰ নামঘৰত ৰূদ্ৰেশ্বৰ শইকীয়াই উন্মোচন কৰে। যোৰহাট জিলাৰ সাৰ্বজনীন আঞ্চলিক ভিত্তিত অখণ্ড ভাগৱত পাঠ অনুষ্ঠানৰ ৰূপালী জয়ন্তী আদৰণি বৰ্ষ উপলক্ষে ১২-২১ ফেব্ৰুৱাৰীলৈ চলি থকা ধৰ্মানুষ্ঠানত উন্মোচিত কল্পতৰুৰ সম্পাদনা কৰে সভাপতি বিনোদ গগৈ, উপ-সভাপতি ৰাণাজিৎ গগৈ, সম্পাদক বিনয় কুমাৰ শইকীয়া, মুখ্য সহযোগী সম্পাদক লাটু গগৈ, জ্যেষ্ঠ উপ-সম্পাদক গজেন বাঢ়ৈ আৰু সহযোগী সম্পাদক ধীৰাজ বৰুৱাই। বিনোদ গগৈৰ সঞ্চালনাত অনুষ্ঠিত উন্মোচনী অনুষ্ঠানৰ আঁত ধৰে কেন্দ্ৰীয় সমিতিৰ সাধাৰণ সম্পাদক ডম্বৰুধৰ গগৈয়ে। উপস্থিত থাকে পৃষ্ঠপোষক অপূৰ্ব কুমাৰ গগৈ আৰু উদযাপন সমিতিৰ কাৰ্যকৰী সভাপতি খগেশ্বৰ গগৈৰ লগতে সম্পাদনা সমিতি। বিশেষ সহযোগিতা আগবঢ়াই সহকাৰী সম্পাদক ৰূপক গগৈয়ে। অসমৰ কেইবাগৰাকীও বিশিষ্ট লেখক-লেখিকাৰ লগতে গাঁৱৰ নৱ প্ৰজন্মই সাহিত্যৰ ক্ষেত্ৰত মনোনিবেশ কথাটো কল্পতৰুৰ ইতিবাচক দিশ।
