হোলী হৈছে আনন্দ আৰু ৰঙৰ উৎসৱ। আজিকালি বেছিভাগ মানুহে ৰাসায়নিক ৰঙেৰে হোলী খেলে। এই ৰংবোৰে চুলিৰ যথেষ্ট ক্ষতি কৰে। যদি আপুনি হোলীত চুলিৰ বিশেষ যত্ন ল’ব বিচাৰে তেন্তে হোলী খেলাৰ আগতে এই পদক্ষেপসমূহ ল’ব পাৰে। এই টিপচ্ সমূহে আপোনাৰ চুলিক ক্ষতিৰ পৰা ৰক্ষা কৰাত সহায় কৰিব পাৰে।
হোলী খেলাৰ প্ৰায় ১ৰ পৰা ২ ঘণ্টা আগতে চুলিত নাৰিকল বা সৰিয়হৰ তেল লগাব লাগে। তেল প্ৰয়োগ কৰিলে আপোনাৰ চুলিত সুৰক্ষামূলক স্তৰ সৃষ্টি হ’ব, যিয়ে ইয়াক ৰাসায়নিক ৰঙৰ পৰা ৰক্ষা কৰিব পাৰে।
যদি আপুনি চুলিত তেল দিবলৈ পাহৰি যায় বা কৰিবলৈ সময় নাপায় তেন্তে লিভ-ইন কণ্ডিচনাৰ বা ছিৰাম লগাব পাৰে। ছিৰাম আৰু লিভ-ইন কণ্ডিচনাৰে চুলিক ৰাসায়নিক ৰঙৰ পৰা ৰক্ষা কৰিব পাৰে। যদি আপোনাৰ চুলি শুকান হয় তেন্তে লিভ-ইন কণ্ডিচনাৰ বা ছিৰাম ব্যৱহাৰ কৰিব লাগে।
হোলী খেলি থাকোঁতে গামোচা বা দুপাট্টাৰে চুলি ঢাকিব পাৰে। স্কাৰ্ফে আপোনাৰ চুলিক ৰং কৰাই নহয়, ৰ’দৰ পৰাও ৰক্ষা কৰে।
আজিকালি একাংশ ছোৱালীয়ে চুলি মেলি হোলী খেলাটো বেছি পছন্দ কৰে। মেলা চুলিৰে হোলী খেলিলে চুলিৰ ক্ষতি হোৱাৰ সম্ভাৱনা বৃদ্ধি পায়।
