দৈনিক কেইবাৰ ব্ৰাছ কৰে? ৰাতি ব্ৰাছ নকৰা লোকৰ হৃদৰোগৰ আশংকা বেছি। এক অধ্যয়নত প্ৰকাশ পাইছে যে যিসকল লোকে ৰাতি ব্ৰাছ নকৰে, তেওঁলোকৰ হৃদৰোগ হোৱাৰ সম্ভাৱনা বেছি। এক অধ্যয়নত স্পষ্টকৈ কোৱা হৈছে যে যিসকল লোকে ৰাতি ব্ৰাছ নকৰে, তেওঁলোকে হৃদৰোগৰ সম্ভাৱনা বৃদ্ধি কৰিব পাৰে।Scientific Reports of Nature Journal ত প্ৰকাশিত এক অধ্যয়ন অনুসৰি ৰাতি ব্ৰাছ নকৰাৰ ফলত হৃদৰোগ হ’ব পাৰে। এই অধ্যয়নত ২০ বছৰ আৰু তাতকৈ অধিক বয়সৰ ১৬৭৫ জন লোকক অন্তৰ্ভুক্ত কৰা হৈছিল। এই অধ্যয়নত প্ৰকাশ পাইছে যে যিসকল লোকে ৰাতি ব্ৰাছ নকৰে, তেওঁলোকৰ হৃদযন্ত্ৰৰ ৰোগ অৰ্থাৎ হৃদৰোগ হোৱাৰ সম্ভাৱনা অতি বেছি। এই অধ্যয়নৰ ফলাফল অনুসৰি দৈনিক ব্ৰাছ কৰা ফলত পিৰিয়ডন্টাল ৰোগ, দাঁতৰ ক্ষয় আৰু মুখৰ পৰিষ্কাৰ-পৰিচ্ছন্নতাৰ সৈতে জড়িত সমস্যাৰ সম্ভাৱনা হ্ৰাস পাব পাৰে।
যদি আপুনি মুখৰ পৰিষ্কাৰ-পৰিচ্ছন্নতাৰ যত্ন লোৱা নাই, তেন্তে হৃদৰোগৰ লগতে আন বহুতো ৰোগ হোৱাটোও সম্ভৱ। নেচাৰ জাৰ্নেলৰ বৈজ্ঞানিক প্ৰতিবেদন অনুসৰি এই অধ্যয়নৰ লগত জড়িত লোকসকলক ২০১৩ চনৰ পৰা ২০১৬ চনৰ ভিতৰত অস্ত্ৰোপচাৰ, পৰীক্ষা আৰু চিকিৎসাৰ বাবে জাপানত অৱস্থিত ওছাকা বিশ্ববিদ্যালয় হাস্পতালত ভৰ্তি কৰা হৈছিল।
এম এন গ্ৰুপত ৪০৯ জন লোকে দিনটোত দুবাৰকৈ (ৰাতিপুৱা আৰু ৰাতি) ব্ৰাছ কৰিছিল। ৰাতি ব্ৰাছ কৰা নাইট গ্ৰুপত ৭৫১ জন লোক আছিল। মৰ্নিং গ্ৰুপৰ ১৬৪ জন লোকে ৰাতিপুৱা সাৰ পাইহে দাঁত ব্ৰাছ কৰিছিল। ইয়াৰ উপৰিও এটা গ্ৰুপ আছিল None, যিয়ে ৰাতিপুৱাও ব্ৰাছ কৰা নাছিল, ৰাতিও ব্ৰাছ কৰা নাছিল। ‘আমেৰিকান ডেণ্টেল এছ’চিয়েশ্যন’ই দৈনিক দুবাৰকৈ ফ্ল’ৰাইডযুক্ত টুথপেষ্টেৰে ব্ৰাছ কৰাৰ পৰামৰ্শ দিয়ে। ইয়াৰ উপৰিও দিনটোত অন্ততঃ এবাৰ ফ্লছ কৰিলে মুখত জমা হোৱা বেক্টেৰিয়া আৰু প্লেক আঁতৰোৱাত সহায় কৰে।
