আজি বঙাইগাঁও জিলাৰ আই ভেলি বন বিভাগৰ বিশেষ বন সুৰক্ষা বাহিনীৰ অভিযানত বঙাইগাঁও জিলাৰ মাণিকপুৰ খণ্ড বন বিভাগৰ কাৰ্যালয়ৰ অন্তৰ্গত ১ নং ছালাবিলাত অবৈধ কাঠ ফলা মিলসহ প্ৰায় লক্ষাধিক টকাৰ কাঠ, কূণ্ডা জব্দ কৰিবলৈ সক্ষম হয় । এক বিশেষ সূত্ৰৰ পোম খেদি আজিৰ এই অবৈধ কাঠ মিল সহ বহু কাঠ জব্দ কৰিবলৈ সক্ষম হয়। জব্দকৃত কাঠ খিনিৰ মূল্য প্ৰায় লক্ষাধিক টকা হব বুলি বন সুৰক্ষা বাহিনীৰ বিষয়া শোশীমোহন সিংহই জানিবলৈ দিয়ে। জব্দ কৰা কাঠ ফলামিলটো আৰু কাঠ সমুহ মাণিকপুৰ উপ খণ্ড বন বিষয়াৰ কাৰ্যালয়ত লৈ আহ অবৈধ কাঠফলা মেলৰ মালিক, কাঠ বেপাৰী কাকো কৰায়ত্ব কৰিব পৰা নাই।
এই সংক্ৰান্তত বিভাগীয় ভাবে এক গোচৰ ৰুজু কৰি দোষীক কৰায়ত্ব কৰাৰ বাবে চেষ্টা অব্যাহত ৰাখিব বুলি জানিবলৈ দিয়ে। অবৈধ কাঠফলা মেল উচ্ছেদ কৰাৰ ক্ষেত্ৰত স্থানীয় এজন সাংবাদিক জড়িত বুলি অপ্ৰচাৰ কৰি, সাংবাদিক জনক কিছু সময় আবদ্ধ কৰি ৰাখে। সাংবাদিক এজনক অপমান কৰা, শাৰীৰিক ভাৱে আক্ৰমণ কৰা ঘটনাত ক্ষুব্ধ হৈ পৰিছে কোকিলা প্ৰেছ ক্লাৱৰ সাংবাদিক সকল। দুষ্কৃতিকাৰী সকলোৰ বিৰুদ্ধে এক গোছৰ ৰুজু কৰাৰ সিদ্ধান্ত গ্ৰহণ কৰিছে।