ৰাষ্ট্ৰসংঘৰ নিৰাপত্তা পৰিষদৰ অস্থায়ী সদস্য পদত নিৰ্বাচিত ভাৰত : ১৭ জুলাইত গুৰুত্বপূৰ্ণ ভাষণ প্ৰধানমন্ত্ৰী মোডীৰ ৷

0 1,010

দৈনন্দিন বাৰ্তা ডেস্ক :

নৰৱে, আয়াৰলেণ্ড আৰু মেক্সিকোৰ লগতে ভাৰত অহা ২০২১ চনৰ ১ জানুৱাৰীৰ পৰা কাৰ্যকৰী হোৱাকৈ ৰাষ্ট্ৰসংঘৰ নিৰাপত্তা পৰিষদৰ অস্থায়ী সদস্য হিচাপে দুবছৰৰ বাবে নিৰ্বাচিত হৈছে৷ ভাৰতে বৃহৎ পৰিমাণৰ ভোট লাভ কৰি এই সদস্যপদ লাভ কৰে৷ এছিয়া-পেচিফিক ৰাষ্ট্ৰবোৰৰ সমৰ্থনত ভাৰতে ১৯২ টা ভোটৰ ভিতৰত ১৮৪ টা ভোট লাভ কৰি নিৰাপত্তা পৰিষদ আৰু ৰাষ্ট্ৰসংঘৰ অস্থায়ী সদস্যপদ লাভ কৰে৷ উল্লেখ্য যে ভাৰতে এইবাৰৰ সৈতে অষ্টমবাৰৰ বাবে নিৰাপত্তা পৰিষদৰ সদস্যপদৰ বাবে নিৰ্বাচিত হয়৷ উল্লেখ্য যে প্ৰধানমন্ত্ৰী নৰেন্দ্ৰ মোডীয়ে ৰাষ্ট্ৰসংঘৰ ৭৫তম বাৰ্ষিকী উপলক্ষে অহা ১৭ জুলাইত এক গুৰুত্বপূৰ্ণ ভাষণ আগবঢ়াব৷ ৰাষ্ট্ৰসংঘত ভাৰতৰ স্থায়ী প্ৰতিনিধি পি এছ ত্ৰিমূৰ্তিয়ে প্ৰকাশ কৰে যে প্ৰধানমন্ত্ৰী মোডীয়ে ৰাষ্ট্ৰসংঘৰ ৭৫ তম বাৰ্ষিকীৰ কাৰ্যসূচীত নিউয়ৰ্কত ভাষণ আগবঢ়াব৷ ৰাষ্ট্ৰসংঘৰ নিৰাপত্তা পৰিষদত ভাৰতৰ জয়ৰ পাছত প্ৰধানমন্ত্ৰী মোডীৰ এয়া প্ৰথম ভাষণ হ’ব ৷