বনগাঁও প্ৰাথমিক বিদ্যালয় আৰু পুৰন্দিয়া সাহিত্য সভাৰ উদ্যোগত বনগাঁও প্ৰাথমিক বিদ্যালয়ত ১৫,১৬ আৰু ১৭ জুলাই ,২০২২ত আয়োজন কৰা বিষ্ণু সংগীত আৰু জ্যোতি সংগীতৰ তিনিদিনীয়া গ্ৰীষ্মকালীন কৰ্মশালা ১৭ জুলাইত সফল সামৰণি পৰে।সামৰণি অনুষ্ঠানত অংশগ্ৰহণ কৰি পানেৰী মহাবিদ্যালয়ৰ অধ্যক্ষ ডঃ নাৰায়ণ বৰাই কয় এনেকুৱা সুন্দৰ পদক্ষেপ গ্ৰহণ কৰা বাবে দুয়োটাt অনুষ্ঠানৰ শলাগ লৈ ভূয়োসী প্ৰশংসা কৰে।প্ৰশিক্ষক গিৰিশ গৌতম ,ধ্ৰুৱজ্যোতি ৰাভা ,ডাকুৱা প্ৰাথমিক বিদ্যালয়ৰ প্ৰধান শিক্ষক গজেন শৰ্মা ,কণ্ঠশিল্পী পল্লৱী তাৰা আৰু আজীৱন সভ্য হেমেন শইকীয়াই চমু ভাষণ ৰাখে।কণ্ঠশিল্পী পল্লৱী তাৰা ,শিশু শিল্পী পাৰ্থ বৰুৱা ,জীয়ন ডেকা আৰু শিক্ষাৰ্থীসকলে বিষ্ণু সংগীত আৰু জ্যোতি সংগীত পৰিৱেশন কৰি সামৰণি অনুষ্ঠান মুখৰ কৰি তোলে।
তিনিদিনীয়া গ্ৰীষ্মকালীন সংগীতৰ কৰ্মশালাত যোগদান কৰা ৬০ গৰাকী শিক্ষাৰ্থীক অংশগ্ৰহণৰ প্ৰমাণ পত্ৰ বিতৰণ কাৰ্যসূচী বন গাঁও প্ৰাথমিক বিদ্যালয়ৰ প্ৰধান শিক্ষক তথা তবলা বাদক বিশ্বজিৎ চহৰীয়া অনুষ্ঠানত ৰাভা ছাত্ৰ নেতা পৱন ৰাভা ,বিদ্যালয় পৰিচালনা সমিতিৰ সভাপতি মুকুট ৰাভা ,স্বভাৱ শিল্পী বাতিৰাম মদাহি ,অসম সাহিত্য সভাৰ আজীৱন সভ্য বিনন্দ হাজৰিকা,অংগনৱাড়ী কৰ্মী মনীষা ৰাভা প্ৰমুখ্যে গণ্যমান্য ব্যক্তি উপস্থিত থাকে। প্ৰথম দিনা বিষ্ণু জ্যোতিৰ প্ৰতিচ্ছবিৰ সন্মুখত বন্তি প্ৰজ্বলন কৰে বনগাঁও ভিচিডিচিৰ চেয়াৰমেন শিৱ প্ৰসাদ বৰা আৰু পুৰন্দিয়া সাহিত্য সভাৰ প্ৰাক্তন সভাপতি গোপাল চন্দ্ৰ ৰাভাই।আনুষ্ঠানিকভাৱে শুভ উদ্বোধন কৰে গেৰুৱা ফুটুকীবাৰী প্ৰাথমিক বিদ্যালয়ৰ প্ৰধান শিক্ষক জিতেন্দ্ৰ ৰাভাই ।ফটিক নন্দন ৰাভাই আঁত ধৰা যুৱ শিল্পী গিৰিশ গৌতম ,ধ্ৰুৱজ্যোতি ৰাভা,বিশ্বজিৎ চহৰীয়া ,ধ্ৰুৱজ্যোতি ৰাভা,পুলিন ৰাভাই প্ৰশিক্ষক হিচাপে যোগদান কৰা কৰ্মশালাত ডাকুৱা প্ৰাথমিক বিদ্যালয়ৰ শিক্ষক গজেন শৰ্মা ,পুৰন্দিয়া সাহিত্য সভাৰ সভাপতি খগেন্দ্ৰ নাথ বৰা ,সমাজসেৱী দধিৰাম ৰাভা , স্বভাৱ শিল্পী বাতিৰাম মদাহি, সাংস্কৃতিক কৰ্মী ,শিক্ষক নৱকুমাৰ তামুলী, ৰঙিয়াৰ কৌতুক শিল্পী নৰেন শৰ্মা ,সাংস্কৃতিক কৰ্মী পৰেশ দাস উপস্থিত থাকে।
এজাক শিশুৰ কল কাকলিত তিনিদিনীয়াকৈ অনুষ্ঠিত কৰা গ্ৰীষ্মকালীন বিষ্ণু জ্যোতিসংগীতৰ কৰ্মশালা সফল সমাপ্তি হোৱা বাবে আৰু অসমৰ জাতীয় জীৱনৰ প্ৰবাদ পুৰুষ দুগৰাকীৰ কালজয়ী গান এজাক শিশুৰ মুখত গুঞ্জৰিত হোৱা বাবে সচেতন ৰাইজে উদ্যোক্তাবৃন্দক ধন্যবাদ জ্ঞাপন কৰে।জাতীয় সংগীতেৰে তিনিদিনীয়াকৈ অনুষ্ঠিত কৰা কৰ্মশালা সামৰণি পৰে।
