আজি ১১তম আন্তঃৰাষ্ট্ৰীয় যোগ দিৱস(international yoga day 2025)উপলক্ষে ‘এখন পৃথিৱী, এক স্বাস্থ্যৰ বাবে যোগ’ৰ মূলমন্ত্ৰেৰে গেটৱে অৱ ইণ্ডিয়াত যোগ দিৱস উদযাপন কৰে কেন্দ্ৰীয় মন্ত্ৰী সৰ্বানন্দ সোণোৱালে।
কেন্দ্ৰীয় মন্ত্ৰী সৰ্বানন্দ সোণোৱালে কয়, “যোগ – বিশ্ববাসীলৈ ভাৰতৰ সুস্থতাৰ উপহাৰ। মাননীয় প্ৰধানমন্ত্ৰী শ্ৰী নৰেন্দ্ৰ মোদী ডাঙৰীয়াৰ বলিষ্ঠ প্ৰচেষ্টাৰ ফলত সুস্বাস্থ্য, সম্প্ৰীতি আৰু বিশ্বজনীন শান্তিৰ বাবে যোগ এক বিশ্বব্যাপী জনআন্দোলনত পৰিণত হৈছে। যোগে আমাৰ শাৰীৰিক-মানসিক উৎকৰ্ষ সাধনৰ লগতে প্ৰকৃতিৰ সৈতে সংযোগ স্থাপন কৰিবলৈ অনুপ্ৰাণিত কৰি আহিছে। যোগাসনক জীৱনৰ এক দৈনন্দিন পদ্ধতি হিচাপে গঢ়ি তোলাৰ বাবে এই দিনটোত আমি সকলোৱে বদ্ধপৰিকৰ হওঁ আহক।”
