২৫ বছৰত ২১ বাৰ আইভিএফ! ১ কোটি টকা খৰচ, ৩বাৰ গৰ্ভপাত। অৱশেষত ৫৪ বছৰ বয়সত মাতৃত্ব অৰ্জন এগৰাকী মহিলাৰ…

এগৰাকী নাৰীৰ বাবে আটাইতকৈ সুন্দৰ সপোন হ’ল মাতৃ হোৱা, এই ইচ্ছা পূৰণ কৰিবলৈ এগৰাকী মহিলাই সমগ্ৰ পৃথিৱীৰ লগতে যুঁজিবলৈ সাজু। এই কাহিনীটোও একেধৰণৰ, এগৰাকী নাৰীয়ে মাতৃ হ’বলৈ কি নকৰে? যদি প্ৰাকৃতিকভাৱে চেষ্টা কৰিও সন্তান নহয়, তেন্তে কিছুমানে আইভিএফ চিকিৎসা গ্ৰহণ কৰে। আইভিএফ ঠিকেই আছে, কিন্তু কিমানবাৰ? ২৮ বছৰ বয়সৰ পৰাই এগৰাকী মহিলাই মাতৃ হোৱাৰ চেষ্টা আৰম্ভ কৰিছিল। প্ৰথমে প্ৰাকৃতিক চেষ্টা কৰিছিল, তাৰ পিছত আই ইউ আই চেষ্টা কৰিলে কিন্তু এটাতো ফল নাপালে। কিন্তু ভাগ্যই গতি সলালে। বছৰবোৰ পাৰ হৈ যোৱাৰ লগে লগে মহিলাগৰাকীয়ে আইভিএফ কৰি থাকিল। আশা কোনোবা এদিনা তেওঁ সন্তানৰ মাতৃ হ’ব। কিন্তু এই প্ৰচেষ্টাত ২৫ বছৰ পাৰ হৈ গ’ল। এই ২৫ বছৰত তেওঁ ২১ বাৰ আইভিএফৰ চেষ্টা কৰিছিল। এই প্ৰক্ৰিয়াত তেওঁ প্ৰায় এক কোটি টকা ব্যয় কৰিছিল। কিন্তু কোৱা হয় যে শেষ ভালেই সকলো ভাল।এতিয়া ৫৪ বছৰ বয়সত সেই মহিলাগৰাকী মাতৃ হৈছে। এটি কন্যা সন্তান জন্ম দিছে।

এক কবৰৰ অনুসৰি মহিলাগৰাকীৰ নাম হেলেন ডালগ্লিছ, গ্লাছগোত থাকে। আইভিএফ যাত্ৰাৰ প্ৰায় ১০ বছৰ পিছত হেলেনে স্কটিছ পৰামৰ্শদাতাই বন্ধ্যাত্বৰ ওপৰত কথা কোৱা শুনিছিল। তাৰ পিছত হেলেনে এই নতুন ঠাইখনৰ পৰা চিকিৎসা লোৱাৰ সিদ্ধান্ত লৈ নিজৰ ক্লিনিক সলনি কৰিলে। অৱশেষত ৫৪ বছৰ বয়সত হেলেন এটি সন্তানৰ মাতৃ হৈ পৰে। ছেপ্টেম্বৰ মাহত হেলেনে এগৰাকী কন্যা সন্তান জন্ম দিয়ে। এই সকলোবোৰ কথা কওঁতে হেলেনে কয় যে হয়তো এতিয়া মই যোৱা ২৫ বছৰ ধৰি মোৰ বিষ আৰু চকুলো পাহৰিছো। এই শিশুটি মোৰ ওচৰলৈ মোৰ পিতৃয়ে স্বৰ্গৰ পৰা পঠিয়াইছে।