ঘোষিত সৰ্বভাৰতীয় নীট পৰীক্ষাৰ ফলাফলত উজলিল ধুবুৰীৰ দক্ষিণ কলেজ নগৰৰ ১৪ নং ৱাৰ্ডৰ জিন্না আৰিফা ছুলতানা। এই গৰাকী কৃতি ছাত্রী জিন্না আৰিফা ছুলতানা নীট (NEET)পৰীক্ষাত মুঠ ৫৯৬ নম্বৰ লাভ কৰি সফলতাৰে উত্তীৰ্ণ হৈ অঞ্চলটোলৈ গৌৰৱ কঢ়িয়াই আনিবলৈ সক্ষম হয়। মেধাৱী ছাত্রী গৰাকীয়ে নীট পৰীক্ষাত অৱতীৰ্ণ হ’বৰ বাবে দীৰ্ঘ দিন ধৰি একানপতিয়াকৈ অধ্যয়ন কৰি এই পৰীক্ষাৰ বাবে নিজকে সাজু কৰি তুলিছিল। মুঠ ৫৯৬ নম্বৰলৈ এই বৃহৎ সফলতাত অঞ্চলটোৰ বিভিন্ন অনুষ্ঠান প্ৰতিষ্ঠান ব্যক্তি বিশেষে লগতে দক্ষিণ কলেজ নগৰৰ মছজিদ কমিটীৰ সন্মানীয় ব্যক্তি সকলে অভিনন্দন আৰু আন্তৰিক শুভেচ্ছা জ্ঞাপন কৰি তেঁওৰ উজ্জ্বল ভৱিষ্যত কামনা কৰে।
উল্লেখযোগ্য যে কৃতি ছাত্রী জিন্না আৰিফা ছুলতানা আয়নাল হকৰ কন্যা। ভবিষ্যতে জিন্না আৰিফা ছুলতানাই এগৰাকী ভাল আদৰ্শৱান চিকিৎসক হোৱাৰ মন মেলিছে। উল্লেখযোগ্য যে আৰিফা ছুলতানাই আজমল চুপাৰ ৪০ ৰ পৰা নীট পৰীক্ষাত অৱতীৰ্ণ হৈছিল। লগতে জিন্না আৰিফা ছুলতানাই কয় যে প্ৰথমতে পঢ়া-শুনা কৰাৰ বাবে মোৰ আৰ্থিক অনাটনত বহুত অসুবিধা হৈছিল পিছত আজমল চুপাৰ ৪০ত মই বিনামূলীয়াকৈ পঢ়াশুনা কৰি বহুত সহায় পাইছোঁ সেয়েহে মৌলানা বদৰুদ্দিন আজমলক মোৰ অন্তৰৰ পৰা বহুত ধন্যবাদ জ্ঞাপন কৰিছোঁ বুলি সংবাদ মাধ্যমৰ আগত মত প্ৰকাশ কৰে জিন্না আৰিফা চুলতানাই।
