ভাৰতীয় জনতা পাৰ্টিৰ নেত্ৰী জোনালী নাথৰ হত্যাকাণ্ডৰ প্ৰধান অভিযুক্তৰ সহযোগীক দেওবাৰে পাঁচ দিনীয়া আৰক্ষী জিম্মালৈ প্ৰেৰণ কৰা হয়।
সহযোগী আজিবুৰ ৰহমানক আজি বিশেষ আদালতত হাজিৰ কৰোৱা হয় য’ত আৰক্ষীয়ে তেওঁক দহ দিনৰ বাবে জিম্মাত ল’বলৈ অনুৰোধ কৰে যদিও আদালতে পাঁচ দিনৰ আৰক্ষী জিম্মাত প্ৰেৰণ কৰে।
ইয়াৰ পূৰ্বে আজি গোৱালপাৰা জিলাত নেত্ৰীগৰাকীৰ মৃত্যুৰ গোচৰৰ সৈতে জড়িত তদন্তৰ অংশ হিচাপে আৰক্ষীয়ে তালাচী অভিযান চলায়।
গোৱালপাৰা জিলাৰ মাটিয়াৰ বিভিন্ন অঞ্চলত তালাচী অভিযান চলাই। খবৰ অনুসৰি হত্যাকাণ্ডৰ গোচৰত জড়িত হৈ গ্ৰেপ্তাৰ হোৱা দ্বিতীয়জন ব্যক্তি আজিবুৰ ৰহমানক আৰক্ষীয়ে অভিযানৰ বাবে মাটিয়ালৈ লৈ যায়। আৰক্ষীয়ে আজিবুৰৰ বাসগৃহতো তালাচী চলায়।
সহযোগীজনৰ বাসগৃহত তালাচী চলাই থকাৰ সময়তে আজিবুৰৰ পত্নীয়ে জুই লগাই দিয়া জোনালী নাথৰ বেগৰ অৱশিষ্ট উদ্ধাৰ হয়। আৰক্ষীয়ে প্ৰমাণ হিচাপে সংগ্ৰহ কৰে অৱশিষ্ট।