কাশ্মীৰ তুষাৰপাতঃ কাশ্মীৰ ঠাণ্ডা বতৰত আৰু অধিক সুন্দৰ হৈ পৰে। বৰফ পৰাৰ পিছত কাশ্মীৰ দৃশ্য চাবলগীয়া। কাশ্মীৰৰ ওপৰৰ পাহাৰ, পৰ্যটনস্থলী গুলমাৰ্গ আৰু সোণামাৰ্গত তুষাৰপাত অব্যাহত আছে। ভৈয়ামত বৰষুণ হৈ আছে। তুষাৰপাতৰ বাবে কাশ্মীৰৰ বহু পথ বন্ধ হৈ পৰিছে। বৃহস্পতিবাৰে গুলমাৰ্গ, সোণামাৰ্গ, দুধপাথ্ৰিকে ধৰি বহু পৰ্যটনস্থলী আৰু পাহাৰত বৰফ পৰে। শ্ৰীনগৰ আৰু ভৈয়ামত বৰষুণ দেখা গৈছে। বৰফ আৰু বৰষুণৰ বাবে তাপমাত্ৰা ব্যাপক হ্ৰাস পাইছে।
বতৰ বিজ্ঞান বিভাগে শুকুৰবাৰেও বহু ঠাইত মধ্যমীয়া বৰষুণৰ লগতে উচ্চ উচ্চতাৰ অঞ্চলত কম বৰফ পৰাৰ ভৱিষ্যদ্বাণী কৰিছে। শ্ৰীনগৰৰ সৰ্বনিম্ন উষ্ণতা ৫.৩ ডিগ্ৰী চেলছিয়াছ। তুষাৰপাত আৰু বৰষুণৰ বাবে মোগল ৰোডকে ধৰি বহু পথ যাতায়তৰ বাবে বন্ধ হৈ পৰিছে। ইয়াৰ লগতে তুষাৰপাতে উপত্যকালৈ অহা পৰ্যটককো মুগ্ধ কৰি তুলিছে।