সদৌ অসম কবি সন্মিলনৰ অন্তৰ্গত পঞ্চৰত্ন কবি চক্ৰৰ উদ্যোগত প্ৰাকৃতিক পৰিৱেশৰ মাজত এখনি কবি সন্মিলন অনুষ্ঠিত হয়। যোৱা ১৫ নৱেম্বৰত গহপুৰ মহকুমাৰ জকাপৰাস্থিত মহাবাহু ফিচাৰি প্ৰাইভেট লিমিটেডৰ আতিথ্যত অনুষ্ঠিত কবি সন্মিলনখনিত সভাপতিত্ব কৰে পঞ্চৰত্ন কবি চক্ৰৰ সভানেত্ৰী কৃপালী গোস্বামীয়ে। কবি চক্ৰৰ সম্পাদক শিৱ শংকৰ হাজৰিকাই আঁতধৰে সভাখনি উদ্বোধন কৰে গেন অসম কবি সন্মিলনৰ প্ৰাক্তন উপ-সভাপতি তথা বিশিষ্ট কবি নগেন কোঁৱৰে। সভাতে শোণিতপুৰ জিলা কবি সন্মিলনৰ প্ৰতিষ্ঠাপক সভাপতি নৰেন শৰ্মাৰ মৃত্যুত তেওঁৰ আত্মাৰ চিৰ শান্তি কামনাৰ্থে এক মিনিট মৌন প্ৰাৰ্থনা কৰা হয়। উপাসনা হাজৰিকাৰ বৰগীত পৰিৱেশনে অনুষ্ঠানৰ শুভাৰম্ভ কৰা কবি সন্মিলনত সমীক্ষক হিচাপে অবিভক্ত শোণিতপুৰ জিলা কবি সন্মিলনৰ সম্পাদক তথা অৱসৰপ্ৰাপ্ত শিক্ষক হেমেন্দ্ৰ বৰাই অংশগ্ৰহণ কৰি পঠিত কবিতাসমূহৰ ওপৰত বক্তব্য দাঙি ধৰে। সভাত কবিতা পাঠৰ কৰে অবিভক্ত শোণিতপুৰ জিলা সাহিত্য সভাৰ প্ৰাক্তন সভাপতি খগেন গোস্বামী, বিশিষ্ট কবি নগেন কোঁৱৰ, ৰুণু দেৱী বৰুৱা, ৰবীন্দ্ৰ কাকতি, তৰাৱতী গিৰি, বিপিন বৰা, লক্ষণ প্ৰধান, বিশ্বনাথ জিলা কবি সন্মিলনৰ সম্পাদক অনিত শইকীয়া, নিকুঞ্জ কোঁৱৰ মহন্ত, ভূৱন অধিকাৰী, ৰূপা শৰ্মা, সীমা দাস, সাংবাদিক নৱজিৎ শইকীয়া, শিৱ শংকৰ হাজৰিকা, কৃপালী গোস্বামীকে ধৰি একুৰি কবিয়ে। সভাতে সাংবাদিক বিপ্লৱ নেওগে এটি কবিতা আবৃত্তি কৰে। সাহিত্যানুৰাগী তথা অৱসৰপ্ৰাপ্ত খণ্ড উন্নয়ন বিষয়া ভৱেন ভট্টাচাৰ্যই সভাত উপস্থিত থাকি বক্তব্য আগবঢ়ায়। ৰবীন্দ্ৰ কাকতি, উপাসনা হাজৰিকা আৰু ৰুবী দাসে যুটীয়াভাৱে আধুনিক গীত আৰু বয়োজ্যেষ্ঠ শিল্পী বিজয় বৰাই ভূপেন্দ্ৰ সংগীত পৰিৱেশন কৰি অনুষ্ঠান জীপাল কৰা সভাতে তিনিখনকৈ কাব্য সংকলন উন্মোচন কৰা হয়। সীমা দাসৰ ‘ফাগুনীৰ ফল্গু’ আৰু ‘অশ্বৰ অশ্ৰু’ উন্মোচন কৰাৰ লগতে সভাতে তৰাৱতী গিৰিৰ ‘কবিতা কানন’ উন্মোচন কৰা হয়। উন্মোচন কৰে ক্ৰমে খগেন গোস্বামী, নগেন কোঁৱৰ আৰু নিকুঞ্জ কোঁৱৰ মহন্তই। কেইগৰাকী উন্মোচকে পৃথকে পৃথকে কেউখন কাব্য সংকলনৰ বিষয়ে নাতিদীৰ্ঘ বক্তব্য আগবঢ়ায়। শেৱালি কলিতাৰ তত্ত্বাৱধানত ভূপেন্দ্ৰ সংগীতৰ আলমত তিনিগৰাকী নৃত্য শিল্পীয়ে নৃত্য পৰিৱেশন কৰি অনুষ্ঠান সজীৱ কৰি তোলে। সভাত বিশ্বনাথ জিলা কবি সন্মিলনৰ প্ৰাক্তন সম্পাদক বিপিন বৰা, সদৌ অসম কবি সন্মিলনৰ মুখপত্ৰ ‘ সমলয়’ৰ সম্পাদক বিপুল কুমাৰ দিহিঙীয়া, মহাবাহু ফিচাৰি প্ৰাইভেট লিমিটেডৰ স্বত্বাধিকাৰী অনুপ শৰ্মা, জ্যেষ্ঠ সাংবাদিক ভুৱন শইকীয়া, বিশ্বজ্যোতি সেনিপতি, মুন গগৈকে ধৰি ভালেসংখ্যক বিশিষ্ট ব্যক্তিয়ে অংশগ্ৰহণ কৰে।নিতুল বৰা হাৱাজান ।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- কিয় ভাৰতলৈ নাহিলে বিশ্বৰ অন্যতম ধনী ব্যক্তি টেছলাৰ স্বত্বাধিকাৰী ইলন মাস্ক…
- হাইস্কুল শিক্ষান্ত পৰীক্ষাত ল’ৰাৰ উত্তীৰ্ণৰ হাৰ ৭৭.৩ শতাংশ ! ছোৱালীৰ উত্তীৰ্ণৰ হাৰ ৭৪.৪ শতাংশ আনহাতে তৃতীয় লিংগৰ পৰীক্ষাৰ্থীৰ উত্তীৰ্ণৰ হাৰ ৮০ শতাংশ…
- পৰৱৰ্তী সময়ত ৩৫ দিনৰ ভিতৰত ফলাফল দিয়াৰ ব্যৱস্থা কৰিম এই মন্তব্য শিক্ষামন্ত্ৰী ৰণোজ পেগুৰ…
- নৰসিংহৰ পাতৰ পানী স্বাস্থ্যৰ বাবে উপকাৰী নে অপকাৰী? ই আপোনাৰ স্বাস্থ্যৰ ওপৰত কেনে প্ৰভাৱ পেলাব পাৰে জানি লওক
- হাইস্কুল শিক্ষান্ত পৰীক্ষাৰ উত্তীৰ্ণৰ হাৰ ৭৫.৭ শতাংশ ! অনুতীৰ্ণৰ সংখ্যা ১,০১,৭৬১…
- ফলাফলত শীর্ষ ৩ জিলাঃ চিৰাং ৯১.২ শতাংশ, নলবাৰী ৮৮.১ শতাংশ; বাক্সা ৮৬.৯ শতাংশ…
- হাইস্কুল শিক্ষান্ত পৰীক্ষাত ৫৯৩ নম্বৰেৰে প্ৰথম স্থান লাভ যোৰহাটৰ অনুৰাগ দলৈৰ…
- HSLCৰ শীৰ্ষ ৫টা স্থানৰ প্ৰথম স্থানত যোৰহাটৰ অনুৰাগ দলৈ, দ্বিতীয় স্থানত ঝর্ণা শইকীয়া, মানস প্রতীম শইকীয়া…
- হাইস্কুল শিক্ষান্ত পৰীক্ষাত তৃতীয় স্থান লাভ মাজুলীৰ মানসপ্ৰতিম শইকীয়াৰ…
- সাৱধান! আম খোৱাৰ পূৰ্বে জানি লওক আমৰ উপকাৰিতা-অপকাৰিতাৰ বিষয়ে…