বৃক্কৰ (Kidney) যিকোনো সমস্যাই আপোনাৰ প্ৰস্ৰাৱত লক্ষণ দেখা দিব পাৰে। আপুনি জানেনে যে আপোনাৰ প্ৰস্ৰাৱৰ আন পৰিৱৰ্তনেও বৃক্কৰ ক্ষতিৰ ইংগিত দিব পাৰে?
বৃক্কৰ সমস্যাৰ ফলত প্ৰস্ৰাৱৰ পৰিৱৰ্তন হ’ব পাৰে, যেনে সঘনাই প্ৰস্ৰাৱ কৰা, প্ৰস্ৰাৱৰ ৰং সলনি হোৱা, প্ৰস্ৰাৱৰ সময়ত বিষ হোৱা আদি। প্ৰস্ৰাৱৰ উপৰিও বৃক্কৰ ক্ষতিৰ লক্ষণ শৰীৰৰ অন্যান্য অংশতো দেখা যায়। এই লক্ষণসমূহ চিনি পালে বৃক্কৰ সমস্যা ৰোধ কৰাত সহায়ক হ’ব পাৰে।
ছাল শুকান আৰু খজুৱতি-
বৃক্কই শৰীৰৰ পৰা বিষাক্ত পদাৰ্থ আঁতৰাই শৰীৰৰ খনিজ ভাৰসাম্য ৰক্ষাৰ কাম কৰে। কিন্তু বৃক্কত যিকোনো ধৰণৰ সমস্যাৰ সন্মুখীন হ’লে তেজত বিষাক্ত পদাৰ্থ জমা হ’বলৈ ধৰে, যাৰ ফলত ছাল শুকান আৰু খজুৱতি হ’ব পাৰে।
চকু আৰু ভৰি ফুলা-
বৃক্কৰ সমস্যাৰ ফলত শৰীৰত ছডিয়াম আৰু পানী জমা হ’ব পাৰে, যিটো অৱস্থাক ইডিমা বুলি কোৱা হয়। বিশেষকৈ ৰাতিপুৱা চকুৰ চাৰিওফালে ফুলিলে বৃক্কৰ ৰোগৰ লক্ষণ হ’ব পাৰে। ভৰিৰ গোৰোহা আৰু ভৰিৰ আঙুলি ফুলাটোও বৃক্কৰ ৰোগৰ লক্ষণ হ’ব পাৰে।
ক্লান্তি আৰু টোপনিৰ অভাৱ-
কিডনী বিকল হ’লেও হৰম’ন উৎপাদনত প্ৰভাৱ পৰে, যাৰ ফলত ৰক্তহীনতা হ’ব পাৰে। ৰক্তহীনতাৰ ফলত ক্লান্তি আৰু দুৰ্বলতা হ’ব পাৰে। তেজত বিষাক্ত পদাৰ্থ জমা হ’লেও অনিদ্ৰা হ’ব পাৰে।
