অসমৰ একমাত্ৰ পক্ষী অভায়ৰণ্য দীপৰ বিলক সংৰক্ষণ কৰাৰ বাবে চৰকাৰে বহু আচনি হাতত লোৱা বুলি ঘোষণা কৰি আহিছে যদিও বাস্তৱ ক্ষেত্ৰত কোনো প্ৰদক্ষেপ গ্ৰহণ কৰা পৰিলক্ষিত হোৱা নাই । তাৰ বিপৰতে এটা চক্ৰই মাছ মৰাৰ চলেৰে বিলখনত জলকেলি কৰা দেশী-বিদেশী পৰিভ্ৰমী চৰাই আৰু বিৰল প্ৰজাতিৰ বিভিন্ন কাছ নিধন কৰি অহা বুলি গুৰুতৰ অভিযোগ উঠিছে । প্ৰাপ্ত অভিযোগ অনুসৰি দীপৰ বিলৰ পানী ব্ৰহ্মপুত্ৰলৈ গতি কৰাৰ সময়তে এটা চক্ৰই খানা নৈ আৰু বিলৰ সংযোগ স্থানতে স্থাপন কৰিছে এটা বৃহৎ মাছ মৰা বান্ধ । স্হানীয় ভাষাত এই বান্ধটোৰ নাম হল সাৰ বান্ধ । পানীৰ সোত ব্ৰহ্মপুত্ৰৰ ফালে ধাৱমান হোৱাৰ লগে লগে বিলখনত থকা বিভিন্ন প্ৰজাতিৰ বিৰল কাছৰ লগতে ৰৌ,ভকুৱা, মিৰিকা,বৰালি, চিতল,কালজাল আদিকে ধৰি মাছ সমুহ ওলাই আহে । কিন্তু বিলখনৰ মুখতে বহুওৱা বান্ধত মাছ,কাছ সমূহ আৱদ্ধ হৈ পৰে । মাছ মৰা চক্ৰটোৱে আৱদ্ধ হোৱা মাছবোৰ বজাৰত বিক্ৰী কৰাৰ লগতে বিৰল প্ৰজাতিৰ কাছবোৰ গোপনে বিক্ৰী কৰে । আনহাতে শীতৰ আগমণৰ লগেলগে বিলখনলৈ আহিছে দেশী বিদেশী বহু পৰিভ্ৰমী বিহংগ । অভিযোগ অনুসৰি মাছমৰা চক্ৰটোৱে নিশাৰ ভাগত বিলখনত জলকেলি কৰি থকা চৰাই নিধন কৰি ভক্ষণ কৰি অহা বুলি স্হানীয় একাংশলোকে গুৰুতৰ অভিযোগ তুলিছে । উল্লেখনীয় যে বিলখনৰ তদাৰক কৰাৰ বাবে বন বিভাগৰ বিষয়া-কৰ্মচাৰীৰ এটা বিয়াগোম দল নিয়োজিত কৰা আছে যদিও তেওলোকে ব্যৱস্থা গ্ৰহণ কৰাৰ সলনি চকুমুদা কুলিৰ ভাওহে ধৰি থাকে । যাৰবাবে দীপৰ বিলৰ সংৰক্ষণৰ বাবে মাতমাতি অহা প্ৰকৃতিপ্ৰেমী সংগঠন সমূহকে ধৰি স্হানীয় লোকসকলে দীপৰৰ মুখত অবৈধভাবে স্হাপন কৰা মাছ মৰা বান্ধটো শীঘ্ৰে উচ্ছেদ কৰিবলৈ চৰকাৰক দাবী জনাইছে ।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- অটো-ব্ৰুৱেৰী চিণ্ড্ৰোমঃ বেলজিয়ামৰ এজন লোকৰ দেহত নিজে নিজে উৎপাদন হয় সুৰা!
- ‘হেল্থ ড্ৰিংক’ৰ লেবেল আঁতৰোৱা হৰলিক্সৰ পৰা…
- অন্ত পৰিল দ্বিতীয় পৰ্যায়ৰ নিৰ্বাচনী প্ৰচাৰৰ, ২৬ এপ্ৰিলত অসমৰ ৫ সমষ্টিত নিৰ্ণয় হ’ব ৬১ গৰাকী প্ৰাৰ্থীৰ ভাগ্য…
- ২০০তকৈও অধিক ভূমিকম্পই জোকাৰিলে টাইৱানক…
- জাতিগত লোকপিয়ল মোৰ জীৱনৰ মিছন ! কংগ্ৰেছে নিৰ্বাচনত জয়ী হ’লে কোনো শক্তিয়ে ইয়াক বন্ধ কৰিব নোৱাৰে: ৰাহুল গান্ধী…
- হঠাৎ ধোনীৰ খং ! কেমেৰালৈ বটল দলিয়াব বিচাৰিলে এম এছ ধোনীয়ে , ভাইৰেল হৈ পৰিল ভিডিঅ’…
- লোকসভা নিৰ্বাচনত ভোট দিব নোৱাৰিব আলিয়া, কেটৰিনা; জেকলিনে! কিয় জানেনে…
- যুদ্ধৰ বিৰোধিতা ! ফ্লৰিডাৰ মেকডিল বায়ু সেনা ঘাটিত যুদ্ধ বিমান ৰখাই দিলে এটা প্ৰকাণ্ড ঘঁৰিয়ালে…
- ভাৰতীয় ষ্টক মাৰ্কেটত চেন্সেক্সে ৭৪ হাজাৰ অতিক্ৰম…
- ভোট দিলেই লাভ কৰিব জেলেপী ,চাওমিন মানচুৰিয়ান আৰু আইচক্ৰীম…